| 1. |
Die WKOD het 'n provinsiale lisensie vir Rubricate-sagteware aangekoop. Alle skole in die Wes-Kaap, openbaare sowel as onafhanklike skole, mag dit installeer en gebruik, en hulle onderwysers mag dit op hulle skootrekenaars of huisrekenaars installeer.
|
| 2. |
Rubricate (Senior vir hoërskole en Junior vir primêre skole) is assesseringsagteware wat geheel-en-al; op die leeruitkomste en assesseringstandaarde van die NKV gebaseer is. Dit stel onderwysers in staat om rubrieke te skep in alle leerareas vanaf graad R - 9 asook in 'n aantal vakke in graad 10 - 12.
|
| 3. |
Benewens die feit dat dit 'n kragtige en aanpasbare instrument is, kan dit onderwysers bystaan met die oorgang vanaf tradisionele assesseringsmetodes tot uitkomsgebaseerde assessering help en daartoe bydra dat hulle hulleself kan vertroud maak met die kurrikuluminhoud van die NKV-beleidsdokumente.
|
| 4. |
Om die gebruik van hierdie assesseringsagteware in skole te steun, sal twee eendaagse werkswinkels aangebied word op 20 en 27 Januarie 2007 onderskeidelik.
|
| 5. |
Twee onderwysers per skool vanuit die Wiskunde, Natuurlike Wetenskappe en Tegnologie-leerareas word uitgenooi om vir die voldagsessie op enige van die genoemde datums in te skryf.
|
| 6. |
Die werkswinkels sal aangebied word by die Sentrum vir e-Innovasie se IT-laboratoriums by die Kuilsrivier Onderwysmultisentrum vanaf 8:30 tot 15:00.
|
| 7. |
Huisvesting sal verskaf word volgens die behoefte daaraan, en vervoerkoste van onderwysers wat verder as 50 km moet reis, sal gedek word. Vir verdere besonderhede kan u me A Lowenherz skakel by 021 467 2621/2529 of by e-posadres alowen@pgwc.gov.za.
|
| 8. |
Bring asseblief die inhoud van hierdie minuut onder die aandag van al die betrokke onderwysers. Onderwysers wat dit wil bywoon, word versoek om die vorm by Bylae A te voltooi en terug te faks na me A Lowenherz by 021 467 2620, teen nie later nie as Woensdag, 6 Desember 2006.
|
GETEKEN: J.P. RAULT-SMITH
HOOF: ONDERWYS
DATUM: 2006:11:24
|