| 1. |
Die implementering van 'n nuwe kurrikulum is nooit 'n maklike proses nie. Onderwysers moet begrip ontwikkel vir die pas, die eise en die inhoud van elke vak - 'n proses wat ontwikkelend van aard is en wat slegs kan plaasvind deur die loop van die onderrig van daardie vak.
|
| 2. |
Leerders wat graad 11 in 2007 herhaal sal na VOO-NKV-vakke moet oorskakel. Dit sal beteken dat hulle die vier basiese vakke moet aanbied, waarvan Lewensoriëntering en Wiskunde of Wiskundige Geletterdheid nuwe vereistes vir die Nasionale Senior Sertifikaat is. Dit kan ook wees dat hulle ander nuwe vakke sal moet aanbied.
|
| 3. |
Ten einde sulke leerders te ondersteun is 26 vakriglyne ontwikkel om leiding aan onderwysers te voorsien om hierdie aanpassing te fasiliteer.
|
| 4. |
Die vakriglyne gee die leeruitkomste in graad 10 en die vorige kennis en vaardighede wat vereis word om met elke NKV-vak in graad 11 te kan aangaan. Graad 11-herhalers sal hierdie kennis moet verwerf en die nodige vaardighede moet aanleer.
|
| 5. |
Daarbenewens dui die vakriglyne die oorvleueling, indien enige, van die Verslag 550-vak met die NKV-vak aan. Hierdie inligting sal onderwysers help om vakinhoudkennis en vaardighede te identifiseer wat leerders behoort te hê wat graad 11 herhaal.
|
| 6. |
Meer leiding word voorsien deur toepaslike onderwysstrategieë vir elke leeruitkoms aan te beveel, sowel as 'n tydsbestek of die aantal periodes wat benodig word.
|
| 7. |
Daar word aanbeveel dat onderwysers hierdie vakriglyne in ooreenstemming bring met die graad 11 pasaangeërs vir 2007 wat binnekort by skole versprei sal word.
|
| 8. |
Onderwysers wat navrae het aangaande ondersteuning vir leerders wat graad 11 in 2007 herhaal, moet die betrokke kurrikulumadviseurs by hulle OBOS skakel.
|
| 9. |
Prinsipale word vriendelik versoek om seker te maak dat elke vakonderwyser 'n afskrif van die vakriglyne wat aan skole gestuur gaan word, ontvang en om die implementering daarvan versigtig te monitor.
|
GETEKEN: J.P. RAULT-SMITH
HOOF: ONDERWYS
DATUM: 2006:11:24
|