| 1.1 |
Die vakassesseringsriglyne wat in September 2005 vir die 29 gelyste vakke in die Nasionale Kurrikulumverklaring, Graad 10 - 12 (Algemeen) vrygestel is, is hersien om die dokumente meer duidelik te maak.
|
| 1.2 |
Die hersieningsproses het plaasgevind in reaksie op kommentaar van onderwysers en ander belanghebbendes.
In besonder is die getal take wat in Tale gedoen moet word, hersien en die aard van die take vir die sertifikaat in Lewensoriëntering uitgeklaar.
|
| 1.3 |
Hierdie veranderings is geldig in graad 10 en 11 vanaf 1 Januarie 2007 en in graad 12 vanaf 1 Januarie 2008.
|
| 2. |
Tale
Die volgende tabelle verskaf die hersiene getal take vir Tale:
|
| 2.1 |
GRAAD 10 EN 11
Getal assesseringstake wat vir die assesseringsprogram vir tale in graad 10 en 11 bepaal is
| VAKKE | | 1ste KWARTAAL | 2 de KWARTAAL | 3 de KWARTAAL | 4de KWARTAAL | TOTAAL |
| Taal 1 Huistaal | | 4 | 4* | 4 | 4* | 16 |
| Taal 2: Keuse HT of EAT | HT | 4 | 4* | 4 | 4* | 16 |
| Taal 2: Keuse HT of EAT | EAT | 4 | 4* | 4 | 4* | 16 |
| Lewensoriëntering | | 1 | 1 | 1 | 2 | 5 |
| Wiskunde of Wiskundige Geletterdheid | | 2 | 2* | 2 | 2* | 8 |
| Vakkeuse 1** | | 2 | 2* | 2 | 1* | 7 |
| Vakkeuse 2** | | 2 | 2* | 2 | 1* | 7 |
| Vakkeuse 3 | | 2 | 2* | 2 | 1* | 7 |
* Een van hierdie take moet 'n eksamen wees.
** Indien een of twee van die vakke wat vir vakkeuses 1, 2 of 3 gekies is 'n Taal insluit, is die getal take soos aangedui vir Tale 1 & 2 by Huistaal (HT) en Eerste Addisionele Taal (EAT) steeds van toepassing.
Leerders wat 'n Tweede Addisionele Taal (TAT) kies, moet 13 take in totaal voltooi: 4 take in Kwartaal 1 en 3 take elk in kwartale 2, 3 en 4.
|
| 2.2 |
GRAAD 12:
Getal assesseringstake wat die assesseringsprogram vir tale in graad 12 uitmaak
| VAKKE | | 1ste KWARTAAL | 2 de KWARTAAL | 3 de KWARTAAL | 4de KWARTAAL | TOTAAL |
| Taal 1 Huistaal | | 5 | 5* | 4 | | 14 |
| Taal 2: Keuse HT of EAT | HT | 5 | 5* | 4 | | 14 |
| Taal 2: Keuse HT of EAT | EAT | 5 | 5* | 4 | | 14 |
| Lewensoriëntering | | 3 | 1 | 1 | 2 | 5 |
| Wiskunde of Wiskundige Geletterdheid | | 3 | 2* | 2* | | 7 |
| Vakkeuse 1** | | 2 | 2* | (2*) 3 | | (6#) 7 |
| Vakkeuse 2** | | 2 | 2* | (2*) 3 | | (6#) 7 |
| Vakkeuse 3 | | 2 | 2* | (2*) 3 | | (6#) 7 |
Let wel:
* Een van hierdie take moet 'n eksamen wees.
** Indien een of twee van die vakke wat vir vakkeuses 1, 2 of 3 gekies is 'n Taal insluit, is die getal take soos aangedui vir Tale 1 & 2 by Huistaal (HT) en Eerste Addisionele Taal (EAT) steeds van toepassing. Leerders wat 'n Tweede Addisionele Taal (TAT) kies, moet 12 take in totaal voltooi: 5 take in kwartaal 1 en 4 take in kwartaal 2, en 3 take in kwartaal 3.
# Die getal interne take per vak verskil van 6 tot 7 soos gespesifiseer in die vakassesseringsriglyne.
|
| 3. |
LEWENSORIËNTERING
Die sertifikaattake wat vir Lewensoriëntering voorgestel is, is opsioneel. Die doel hiervan is om die potensiaal van leerders wat graad 12 verlaat t.o.v. wat hulle kan verdien en wat hulle kan leer te verhoog. Leerders moet dus ernstig aangemoedig word om aan sodanige take deel te neem waar omstandighede dit toelaat.
Die gekose sertifikaattake behoort 'n verskil te maak aan die Curriculum Vitae van elke leerder. So bv. sou leerlinge kon baatvind by ervaring van die organiseer van 'n geleentheid, gemeenskapswerk, en deelname aan sport, ens.
'n Onderwyser behoort sertifikaattake te kies wat aansluit by die behoeftes van die leerders en moet leerders toegang bied tot 'n verskeidenheid sodanige take, waar moontlik.
'n Sertifikaattaak kan prestasiegebaseerd of deelnamegebaseerd wees.
|
| 3.1 |
Prestasiegebaseerde Take
Prestasiegebaseerde sertifikaattake, soos bv. Eerstehulp Vlak 1 of 'n leerlingbestuurslisensie is dienste wat gelewer word deur 'n buiteliggaam of -organisasie. Leerders moet aan die vereistes van die besondere assesseringsliggaam of organisasie voldoen om 'n bevoegdheidsertifikaat te verwerf. Sulke take lewer 'n direkte bydrae tot 'n leerder se verdien- en leerpotensiaal. Ander voorbeelde van sulke take sluit in rekenaargeletterdheidskursusse en studievaardighedekursusse.
Die kriteria vir prestasiegebaseerde sertifikaattake moet ekstern opgestel word en gemodereer word deur die organisasie wat die take aanbied. Die Lewensoriën-teringonderwyser moet ook leerders se deelname aan hierdie kursusse evalueer.
|
| 3.2 |
Deelnamegebaseerde Take
Deelnamegebaseerde sertifikaattake, bv. betrokkenheid by 'n skoolgebaseerde buitemuurse aktiwiteit of 'n gemeenskapsaktiwiteit, is dié wat deur die skool en gemeenskapsgebaseerde organisasies aangebied word. Leerders is veronderstel om aan die aktiwiteit deel te neem vir 'n vasgestelde tyd op 'n gereelde basis. Ander voorbeelde van sodanige take sluit in die beplannings en aanbieding van gebeurtenisse soos bewusmakings- en onderwysveldtogte, werkplekervarings, deelname aan die aktiwiteite van 'n sport-/wandel-/voetslaan-/fiksheidsklub, en hulp met die organisasie van 'n skoolgebeurtenis, ens.
Sien afdeling 4 van die Lewensoriëntering -vakassesseringsriglyne van Januarie 2007 vir verdere leiding en voorbeelde van sertifikaattake.
|
| 4. |
VAKASSESSERINGSRIGLYNDOKUMENTE
|
| 4.1 |
Kopieë van die Vakassesseringsriglyndokumente word deur die Nasionale Onderwys-departement voorberei en sal na skole gestuur word. Die WKOD vertaal die dokument in Afrikaans en sal die kopieë so spoedig moontlik aanstuur.
|
| 4.2 |
Afskrifte van hierdie dokumente is ook beskikbaar op die webtuiste van die eksamen- en assesseringskomponent van die WKOD, ( http://curriculum.wcape.school.za ).
|
Prinsipale en kurrikulumbestuurders word versoek om seker te maak dat die inhoud van hierdie minuut onder die aandag van alle opvoeders gebring word.
|
GETEKEN: J.P. RAULT-SMITH
HOOF: ONDERWYS
DATUM: 2006:11:17
|