1. |
Die Wes-Kaap Onderwysdepartement (WKOD) is van mening dat graad R-onderrigprogramme van 'n goeie gehalte noodsaaklik is vir die verbetering van geletterdheids- en gesyferdheidsvlakke.
|
2. |
Die Direktoraat: Kurrikulumontwikkeling stel gevolglik met graagte 'n voorbeeld van 'n werksprogram aan alle graad R-onderwysers beskikbaar. Hoewel hierdie voorbeeld nie voorgeskryf is vir gebruik deur alle graad R-onderwysers nie, illustreer dit hoe die leeruitkomste en assesseringstandaarde van graad R hanteer kan word in 'n goedbeplande onderrigprogram.
|
3. |
Hierdie voorbeeld weerspieël een skool se bepaalde konteks. Dit moet dus buigsaam aangewend word en aangepas word by die unieke omstandighede van elke skool, sonder om die vereistes van die kurrikulum, insluitende formele assessering, te kompromitteer.
|
4. |
Alle skole met graad R-klasse wat by die WKOD geregistreer is, sal 'n Engelse weergawe van hierdie voorbeeld ontvang.
|
5.1 |
Skole kan 'n bestelling plaas vir 'n gratis weergawe in Afrikaans of Xhosa en/of 'n CD waarop die dokument in al 3 tale in Word-formaat verskyn. Vul Afdeling A op die aangehegte vorm in en dien dit teen 26 Januarie 2007 in by Edumedia.
|
5.2 |
Skole wat addisionele afskrifte wil hê, bo en behalwe die gratis weergawe waarna in 5.1 verwys is, moet dit aankoop. Afdeling B op die aangehegte bestelvorm dui die bedrag aan wat skole sal moet betaal indien addisionele afskrifte bestel word.
|
5.3 |
Die Engelse weergawe van die voorbeeld sal hierdie jaar op die webblad van die Direktoraat: Kurrikulumontwikkeling geplaas word by http://curriculum.wcape.school.za Die Afrikaanse en Xhosa-weergawes sal in die nuwe jaar op die webblad geplaas word.
|
6. |
Grondslagfase-kurrikulumadviseurs in die OBOS'e sal gedurende 2007 leiding gee aan graad R-onderwysers en prinsipale oor die gebruik van hierdie werkskedule. Indien onderwysers hulp benodig met hulle beplanning en implementering, kan een van die volgende kurrikulumadviseurs geskakel word:
OBOS | Telefoonnommer | Skakelpersoon |
Sentraal | 021 659 4347 | S Pillay |
Noord | 021 938 3013 | S de Villiers |
Suid | 021 370 2064 | N Tolashe |
Oos | 021 900 7195 | H Letsika |
Weskus/Wynland | 021 860 1568 | N Meyer |
Breederivier & Overberg | 023 348 4633 | M Siddle |
Suid-Kaap& Karoo | 044 803 8366 | L Roux |
|
7. |
Prinsipale word vriendelik versoek om seker te maak dat graad R-onderwysers van hierdie werkskedule bewus is en aangemoedig word om dit te gebruik ten einde behoorlike onderrig te ontwikkel en toe te pas.
|
SIGNED: J.P RAULT-SMITH
HEAD: EDUCATION
DATE: 2006:11:12
|