| 1. |
Omsendbrief 0039/2000, gedateer 8 Mei 2000, waarmee die handleiding Basiese Finansiële Stelsel vir Skole bekendgestel is, het betrekking.
|
| 2. |
Die handleiding is nou bygewerk en aangepas in ooreenstemming met die jongste wetswysigings en beste praktyk. Die tweede uitgawe word nou op kompakskyf (CD) uitgereik. Elke OBOS is self verantwoordelik vir die verspreiding daarvan aan die openbare skole binne hul jurisdiksie.
|
| 3. |
Die CD sal amptelik op 12 September 2006 deur die Provinsiale Minister vir Onderwys, mnr Cameron Dugmore, bekendgestel word.
|
| 4. |
Die gedrukte weergawe van die bygewerkte handleiding sal teen ongeveer November 2006 vir verspreiding aan skole beskikbaar wees.
|
| 5. |
Die volgende word weer eens onder u aandag gebring:
|
| 5.1 |
Die handleiding word uitgereik ingevolge artikel 37(1) van die Suid-Afrikaanse Skolewet, 1996 (Wet 84 van 1996), wat bepaal dat die beheerliggaam van ‘n openbare skool ‘n skoolfonds moet instel en administreer ooreenkomstig voorskrifte deur die Departementshoof uitgereik. Daar word van skole en beheerliggame verwag om uitvoering te gee aan die voorskrifte en riglyne wat in hierdie handleiding vervat is. Die handleiding beskryf slegs die minimumvereistes.
|
| 5.2 |
Skole word ook versoek om gereeld voorstelle met betrekking tot die verbetering van die handleiding en beste praktyke by hulle plaaslike OBOS in te dien.
|
| 5.3 |
Spanne is by alle OBOS'e gevestig om skole te ondersteun en om die nodige opleiding en ondersteuning gratis te verskaf. Skole word aangeraai om eers die OBOS te nader indien hulp in hierdie verband benodig word voordat buite-instansies genader word.
|
| 6. |
U word versoek om bostaande onder alle belanghebbendes se aandag te bring.
|
GETEKEN: E.I. MEYER
HOOF: ONDERWYS
DATUM: 2006:09:06
|