1. IBhunga loMzantsi Afrika laBantu aBadala (South African Council for the Aged) licwangcisela imibhiyozo yeminyaka engama-50 kaGuga uZenzela (Age-in-Action) ngo-2006 licele ukuba bonke abafundi babe nokunceda abemi abadala ngawo wonke unyaka ozayo.
2. Njengenxalenye yale mibhiyozo, ezi ntsuku zikhethiweyo zilandelayo zibekelwe bucala njengezokuhlonipha abemi bethu abadala ngo-2006:

  • IVeki yaBantu aBadala eMzantsi Afrika, nge-25 Septemba - 1 Oktobha

  • USuku lweZizwe ngeZizwe lwaBantu aBadala, 1 Oktobha
  • USuku looMakhulu nooTatomkhulu eMzantsi Afrika, 1 Oktobha
    (USuku looMakhulu nooTatomkhulu eMzantsi Afrika lungeCawa yokuqala ku-Oktobha)
3. ISebe leMfundo leNtshona Koloni liyakuxhasa konke oku yaye ziyacelwa iinqununu ukuba zifake le mihla kwizicwangciso zazo zango-2006 ukukhulisa nokukhuthaza intlonipho nesidima kubemi bethu abadala.
4. Ziyacelwa izikolo ukuba zithathe inxaxheba zize zicwangcise ubuncinane iprojekthi ibe nye engokumalunga nabemi abadala ngo-2006.
5. IBhunga laBantu aBadala linike ezi ngcebiso zimbalwa zilandelayo emakhe ziqwalaselwe:

  • Lungiselela abadala baze kuthetha xa kudityenwe sisikolo ngamathuba athile

  • Yenza amalungiselelo okumema abantu abadala baze kufumana iti
  • Yiba nosuku lokuzonwabisa ngemidlalo phakathi kwezizukulwana ezahlukeneyo
  • Qalisa isitiya sokutyala imifuno esikolweni ukuze iphiwe abadala abaninzi.
  • Yenza amalungiselelo okupeyinta indawo leyo bahlala kuyo okanye ucoce igadi yabo, okanye uqale entsha
  • Vumela abafundi batyelele abantu abadala abangasakwaziyo ukumka emakhaya baze babe nonxibelelwano kunye nabo
  • Zikhethele utatomkhulu okanye umakhulu oza kumhoya umjonge ukuba uphila kakuhle
6. Ziyakhuthazwa izikolo ukuba zongeze ezinye izinto kwezi ngcebiso ukubonisa umdla kulutsha wokuthakazelela ukunceda abantu abadala bethu lungajongi ezalo iimfuno kuphela.


ISAYINWE: NGU- DR SHEPHERD
INTLOKO: YESEBE LEMFUNDO
UMHLA: 2005:10:19