| 1. |
Sele kuqhutywa mpela ukuphunyezwa kovavanyo lokwandlalela (baseline evaluation) kwiNkqubo yoLawulo loMgangatho eBanzi (Integrated Quality Management System (IQMS)) kootitshala abasezikolweni kuzo zonke izikolo zeli phondo. ICandelo loPhuhliso lwaBasebenzi (The Directorate: Human Resource Development) livakalisa umbulelo walo kootitshala kuzo zonke izikolo ngomdla wabo nangokuzimisela kwabo ekuqinisekiseni ukuba siyaphunyezwa iSicwangciso sezoLawulo (Management Plan) esicaciswe kule Ngcaciso eMfutshane HRD/0062/2004. |
| 2. |
Njengoko iSebe leMfundo leNtshona Koloni lifuna ukuqinisekisisa ngokupheleleyo ukuba wonke umntu ochaphazelekayo uxhotyiselwe ukuba akwazi ukuphumeze le nkqubo ibaluleke kangaka, ootitshala baya kunikwa ithuba lokuba baye kwiseshoni yokugqibela yoqeqesho kwi-IQMS. |
| 3. |
Ngako oko ke, ukuba kukho ootitshala abaphoswayo ziiseshoni zokuqala zoqeqesho okanye abanqwenela ukuya kwiseshoni yokuhlaziya ulwazi lwabo, mabaqhagamshelane nomququzeleli we-IQMS okanye umphathi wesekethe kwiziko labo lolawulo nophuhliso lwemfundo (EMDC) ukubhalisela enye yezi seshoni zilandelayo:
| I-EMDC | IFONI | UMHLA | INDAWO | IXESHA |
| Metropole Central | 021 659 4370 | 26/2 | Cape Town Teachers’ Centre | 09:00-12:00 |
| Metropole North | 021 938 3141 | 23/2 | EMDC Metropole North B1 | 14:00-17:00 |
| Metropole East | 021 900 7080 | 23/2 | Alta du Toit School Kuils River | 14:00-17:00 |
| Metropole South | 021 370 2000 | 3/3 | Main Hall, Lentegeur Hospital | 14:00-17:00 |
| West Coast / Winelands | 021 860 1564 | 23/2
28/2 | Vredendal North Primary
Paarl EMDC Hall | 14:00-17:00 |
| Breede River / Overberg | 021 860 1564 | 2/3 | EMDC Breede River/Overberg, Wocester | 14:00-17:00 |
|
| 4. |
Ziyakhunjuzwa kwakhona iinqununu neeKomiti zoPhuhliso lwaBasebenzi (Staff Development Teams (SDT)) ukuba ziqinisekise ngokuba bonke ootitshala basayine uxwebhu olunamagama ootitshala olungqina ukuba bazifumene iikopi zabo ze-IMQS Support Material nolukwangqina ukuba bayile kwiseshoni yoqeqesho kwi-IQMS. Oku kuyinxalenye yeenkqubo zolawulo lwe-IQMS eziyimfuneko ngokweMvumelwano yeMibutho yoThetha-thethwano yaBasebenzi (Collective Agreement). |
| 5. |
Kumelwe ukuba ngoku iinqununu nee-SDT seziqhagamshelene nabaphathi beesekethe bazo ngokumalunga nokuqhutywa kovavanyo olwenziwa ziinqununu kunye nokuncedisa i-SDT kuqulunqo lweSicwangciso soPhuculo lweZikolo (School Improvement Plan) (SIP) esisusela kwiZicwangciso zoPhuhliso loMntu ngaMnye (Personal Growth Plans (PGPs)) zotitshala ngamnye. |
| 6. |
Bayakhuthazwa ootitshala, ii-SDT kunye neenqununu ukuba batyelele iziko lethu lewebhu apha: http://www.hrd.wcape.school.za ukufumana iindaba zakutshanje nge-IQMS, iincwadi nezinye izinto zokufunda. Ukutyelela qho eli ziko lewebhu ukwenzela ukufumana iinkcukacha ezikhutshelwe kwi-intanethi (downloads) kuya kwenza kube lula ukuphumeza le nkqubo esikolweni. |
| 7. |
Nceda wazise okukule ngcaciso emfutshane bonke abachaphazelekayo ukuze bakuthathele ingqalelo. |
ISAYINWE: NGU-L.J. ROSE
INTLOKO: YESEBE LEMFUNDO
UMHLA: 2005:02:17
|