| 1. |
ISebe leMfundo leNtshona Koloni likhuthaza zonke iintloko zezikolo, iikomiti zolawulo zezikolo, amabhunga olawulo ezikolo, ootitshala, abazali, nabafundi ukuba batyumbe ootitshala beMathematilka, iSayensi neThekhinoloji abasenkonzweni nabasele bethathe umhlala-phantsi kwezo ndawo bahlala kuzo ukwenzela ukuba bawongwe ngamaBhaso kaTitshala woNyaka kwiMathematilka, iSayensi neThekhinoloji.
|
| 2. |
Abaxhasi ngezimali abaphambili bale nkqubo yamabhaso neqaphela ize iwonge iintshatsheli ekufundiseni kwezi zifundo zibaluleke kangaka, ngu-The Telkom Fondation neSowetan.
|
| 3. |
Kucelwa uqaphele le ngcaciso ibalulekileyo ilandelayo malunga nenkqubo yokutyumba:
|
| 3.1 |
Kuqhotyoshelwe apha ifom yokutyumba ehamba kunye nale ngcaciso imfutshane. Iikopi ezifotokotshiweyo zale fom nazo ziya kwamkeleka.
|
| 3.2 |
Abatyunjwa mabatyunjwe ngokuthi bangenele olunye lwezi zintlu zintathu zilandelayo:
| (i) |
Utitshala osenkonzweni: Isigaba seFET (AmaBakala 10 – 12)
|
| (ii) |
Utitshala osenkonzweni: Isigaba seGET (AmaBakala 4 – 9)
|
| (iii) |
Utitshala odla umhlala-phantsi
|
|
| 3.3 |
Kucelwa nincede niqinisekise ukuba ifom yokutyumba izaliswe ngokuchanekileyo. Niyabongozwa ukuba nincede ningashiyeleli naziphi na zinkcukacha.
|
| 3.4 |
Abatyumbi (nominators) mabalandele imiqathango yokutyumba ekwifom yokutyumba ukujongisisa ukuba ngaba umtyunjwa lowo uyazanelisa na iimfuno zale nkqubo yokuwongwa kusini na.
|
| 3.5 |
Umtyunjwa angangenisa iphothifoliyo kunye nefom yokutyumba, kodwa oku akuyomfuneko ekunokugwetywa ngayo kwi-EMDC. Nangona kunjalo, umtyunjwa ogqwesileyo kwi-EMDC noya kudlulela kumjikelo wokugqibela wephondo, uya kulindeleka ukuba alungise iphothifoliyo.
|
| 3.6 |
Umhla wokuvala ukungeniswa kwazo zonke iifom zokutyumba yi-28 Oktobha 2005. Iifom zokutyumba ezizaliswe zonke iinkcukacha mazithunyelwe kuMcebisi wezeKharityhulam oyiNtloko kwi-EMDC yakho ziphawulwe ngokucacileyo ngolu hlobo: “For the attention: The Chief Curriculum Advisor - Maths, Science and Technology Educator of the Year Awards 2005”.
|
| 4. |
Abatyunjwa bephondo abathathu abagqwesileyo baya kudlulela kumjikelo wokugqibela kuzwelonke noya kuqhutyelwa eRhawutini nge-26 Matshi 2006.
|
| 5. |
Kucelwa nijonge kumva wefom yokutyumba inkcazo ngamabhaso anokuthi awinwe kwinqanaba lephondo nakwinqanaba likazwelonke.
|
| 6. |
Ukufumana iinkcukacha ezingaphezulu, ningaqhagamshelana noMcebisi wezeKharityhulam kwiMathematika neSayensi kwi-EMDC yenu okanye noMquququzeleli wePhondo uGavin de Bruyn kule nombolo: 021 467 2575 okanye ngale dilesi ye-imeyili: gdebruyn@pgwc.gov.za
|
| 7. |
Iya kuthakazelelwa kakhulu inkxaso yenu noncedo lwenu ekuqapheleni nasekuvuzeni imigudu neenzame zootitshala.
|
ISAYINWE: NGU-E.D. KIRSTEN
INTLOKO: YESEBE LEMFUNDO
UMHLA: 2005:09:06
|