| 1. |
ISebe leMfundo leNtshona Koloni (WCED) ligqibe ekubeni likhuphe izintlu ezimbini zezithuba zengqesho ngo-2006. Uluhlu No. 1/2006 luya kuba nezithuba zengqesho zonyuselo-sikhundleni (promotion posts) (kubandakanywa nezithuba zeenqununu), lo gama uluhlu No. 2/2006 luya kuba nezaziso zezithuba zeNqanaba 1 (Post Level 1 posts) nezithuba zonyuselo-sikhundleni (kubandakanywa nezithuba zeenqununu).
|
| 2. |
Ziyacelwa iinqununu namabhunga olawulo ezikolo ukuba ziqinisekise ukuba izaziso zezithuba zizaliswa ngekhompyutha kwidrafti yezithuba zengqesho kwiziko lewebhu leWCED kule dilesi: http://wced.wcape.gov.za Izaziso zezithuba mazingeniswe ngekhompyutha kuphela kwaye akukho zifom zezaziso zezithuba ziya kwamkelwa. Iinqununu mazithetha-thethane nabaphathi beesekethe ukuba ziye zahlangana neengxaki malunga nokuzaliswa kweefom zezaziso zezithuba kwidrafti yoluhlu lwezithuba zengqesho kwiziko lewebhu. Nceda ufunde le Setyhula 0010/2005 ye-18 Julayi 2005 malunga nalo mba (ikopi iqhotyoshelwe). Iinqununu ezingakwazi kufikelela kwiziko lewebhu maziqhagamshelane nabaphathi besekethe bazo.
Iimfuneko kwezi zithuba zengqesho neenkqubo zokuzaliswa kwezithuba ziya kuboniswa kuluhlu lwezithuba olufanelekileyo. Sinqwenela ukutsalela ingqondo yenu kutshintsho olubalulekileyo kwiinkqubo zokuzaliswa kwezithuba zengqesho o.k.t. UMyalelo wokuPhunyezwa koMgaqo-nkqubo wokuNgqinelana nobuLungisa kwezeNgqesho kumaZiko eMfundo (Policy Implementation Directive for Compliance with Employment Equity at Education Institutions) kunye neSiqendu 6.3 esiza kuhlaziywa kwakutsha nje soMthetho weNgqesho yooTitshala (Employment of Educators Act, 1998) esibonelela ukuba amabhunga olawulo ezikolo makangenise amagama abatyunjiweyo ama-3 edweliswe ngokwendlela akhethwe ngayo. Le migqaliselo iya kukhutshwa ihanjiswa neesetyhula ezahlukeneyo.
|
| 3. |
Le shedyuli ilandelayo inika imihla ekujongwe ukukhutshwa ngayo uluhlu lwezithuba zengqesho olupapashwayo neminye imihla ebalulekileyo:
| Okwenziwayo | Uluhlu lwezithuba zengqesho |
| | Uluhlu lwezithuba zengqesho 1/2006 | Uluhlu lwezithuba zengqesho 2/2006 |
| | Izithuba zonyuselo-sikhundleni KUPHELA (kubandakanywa nezithuba zeenqununu) | Izithuba zeNqanaba 1 nezonyuselo-sikhundleni (kubandakanywa nezithuba zeenqununu) |
| ISebe i-WCED liza kuvulela amaziko emfundo uluhlu lwezithuba zengqesho kwikhompyutha ngalo mhla | 25 Januwari 2006 | 10 Meyi 2006 |
Iinqununu mazifake kwikhompyutha izithuba zengqesho kwiziko lewebhu
UMHLA WOKUVALA: | 8 Februwari 2006 | 24 Meyi 2006 |
| Abaphathi beesekethe mabangqine yaye batshekishe izaziso zezithuba | 15 Februwari 2006 | 7 Juni 2006 |
| ISebe i-WCED liza kupapasha lize likhuphe uluhlu lwezithuba zengqesho ngalo mhla | 1 Matshi 2006 | 17 Julayi 2006 |
Ootitshala mabangenise izicelo kwizithuba zengqesho ezipapashiweyo
UMHLA WOKUVALA UKWAMKELWA KWEZICELO: | 22 Matshi 2006 | 11 Agasti 2006 |
| ISebe i-WCED liza kuthumela izicelo ezikolweni nge- | 12 Apreli 2006 | 8 Septemba 2006 |
Amabhunga olawulo ezikolo (SGBs) makangenise amagama abatyunjiweyo kwiSebe
i-WCED UMHLA WOKUVALA | 10 Meyi 2006 | 13 Oktobha 2006 |
| ISebe i-WCED liza kuvuma abatyunjiweyo ngalo mhla | 31 Meyi 2006 | 24 Novemba 2006 |
| Umhla wokuqeshwa: | 1 Julayi 2006 | 1 Januwari 2007 |
|
| 4. |
Ukwenzela ukuqinisekisa ukuqaliswa kakuhle kotshintsho lweenkqubo ezichazwe apha ngentla, iSebe i-WCED liya kupapasha izithuba zonyuselo-sikhundleni nezeenqununu (uLuhlu No. 1/2006) ngaphambi kokuba kupapashwe izithuba zengqesho zeNqanaba 1 (uLuhlu No. 2/2006). Le yindlela entsha eyahlukileyo kwinkqubo yangaphambili. Kuza kuzuzwa oku kulandelayo kule nkqubo intsha:
Bonke abachaphazelekayo baya kubanako ukusingatha inani elilawulekayo lezithuba lo gama, kwangaxeshanye, bevelisa ulwazi nezakhono ezifunekayo ukuphumeza olu tshintsho. Olu tshintsho lunemiyalelo emibini ekufuneka iphunyezwa ngaxeshanye: UMyalelo wokuPhunyezwa koMgaqo-nkqubo wokuNgqinelana nobuLungisa kwezeNgqesho kumaZiko eMfundo (Policy Implementation Directive for Compliance with Employment Equity at Education Institutions) kunye neSiqendu 6.3 esiza kuhlaziywa kwakutsha nje soMthetho weNgqesho yooTitshala, 1998 (Employment of Educators Act, 1998) Kwakuba nje abo bachaphazelekayo beqhelene nezi mfuneko, baya kuba kwimeko entle kakhulu yokuba bazisebenzise xa befaka izicelo kwizithuba zeNqanaba 1, nezidla ngokuba zezona zininzi kwizithuba zengqesho ezipapashiweyo. Xa kususelwa kwinto yokuba ukuzaliswa kwezithuba zonyuselo-sikhundleni kudla ngokushiya izithuba zeNqanaba 1 zingenabantu, iyavakala into yokuba kupapashwe izithuba zeNqanaba 1 emva kokuzaliswa kwezithuba zonyuselo-sikhundleni. Omabini la maziko, izikolo neSebe leMfundo, aya kuthi ke ngoko azi ukuba zeziphi izithuba zeNqanaba 1 ezingenabantu ngenxa yokuzaliswa kwezithuba zonyuselo-sikhundleni. Kwixa elidlulieyo, kuye kwafuneka ukuba siqeshe abasebenzi abaphantsi kwemvumelwano (contract staff) kwezi zithuba zengqesho zingenabantu, lo gama kusalindwe upapasho koluhlu lwezithuba olulandelayo. Ukuze kuqinisekiswe uzinzo kwanokhuseleko olukhulu lwemisebenzi, phakathi kwezinye zezinto eziza kuzuwa kule nkqubo, ngabo bonke abachaphazelekayo, iSebe i-WCED lizimisele ukujongisisa zonke iinkqubo zokuzaliswa kwezithuba zengqesho ngabasebenzi abasisisgxina. Sinoluvo lokuba le nkqubo iya kunciphisa inani labaqeshwa abangesosigxina kwisistim, ingakumbi kwizithuba zeNgqesho zeNqanaba 1. Ukupapashwa kwezithuba zeNqanaba 1 phakathi enyakeni kuya kunika ithuba kubafundi abagqibezela uqeqesho lokuba bafake izicelo kwizithuba zengqesho zonyaka olandelayo.
|
| 5. |
ISebe i-WCED linqwenela ukuqinisekisa ukuba, ngaphandle kokuba kuvele izinto ebezingacingelwanga ngaphambili, le mihla ingentla imisiweyo iya kulandelwa ngqo. Kuya kwenziwa amalungiselelo awodwa ukuqinisekisa ukuba imihla yokuvala ewela ngaphakathi komda wemisebenzi eluxanduva lweSebe iWCED ilandelwa ngqo. Nangona kunjalo, ukuze kuqinisekiswe ngokugcinwa nokuhlonelwa kwale mihla, kubalulekile ukuba bonke abachaphazelekayo babe nentsebenziswano yaye bahambe ngqo ngokwale mihla imisiweyo. Ngokubhekiselele kulo mba, sinqwenela ukuba niqaphele imihla yokuvala kokungeniswa kwezaziso zezithuba nokufunyanwa kwamagama abatyunjiweyo kumabhunga olawulo ezikolo.
|
| 6. |
ISebe i-WCED likubona ukupapashwa nokuzaliswa kwezithuba zootitshala njengenkqubo ebaluleke gqitha. Alinako ukuvumela ukuba izithuba zengqesho zipapashwe zize zingazaliswa ngenxa yokusilela kwebhunga lolawulo lesikolo okanye kwenqununu ukungenisa amagama abatyunjiweyo kwangexesha. Izithuba ezipapashiweyo kodwa zingazaliswa zibangela ukungazinzi okungamkelekiyo esikolweni kwaye iSebe i-WCED liyithatha imeko enjengaleyo njengento embi kakhulu. Eli Sebe leMfundo lizimisele ukuqinisekisa ukuba izithuba ezipapashiweyo zizaliswa ngokweshedyuli ekuMhlathi 3 apha ngentla.
Ngoko ke kugqitywe ekubeni ukuba ngaba amagama abo batyunjiweyo akangeniswanga ngale mihla ibekiweyo, iSebe i-WCED liya kuzikhusela ngokusebenzisa iSiqendu 6(3)(d) seSahluko 3, soMthetho weNgqesho yooTitshala, 1998 (Employment of Educators Act, 1998) ukuqesha kwezo zithuba zengqesho zipapashiweyo (kuwo onke amanqanaba) ngaphandle kweengcebiso zebhunga lolawulo lesikolo.
|
| 7. |
Ukuzimisela kweSebe i-WCED makubonwe njengelinge lokulawula lo msebenzi ubalulekileyo ngokwezikhokelo zomthetho nezobudlelwane emsebenzini ukwenzela ukuba kuzuze bonke abachaphazelekayo.
|
| 8. |
Intsebenziswano yabo bonke abachaphazelekayo iya kuqinisekisa ulawulo oluyimpumelelo lwale nkqubo kwaye iya kuthakazelelwa kakhulu.
|
ISAYINWE: NGU-R.B. SWARTZ
INTLOKO: YESEBE LEMFUNDO
UMHLA: 2005:12:02
|