1. |
ISebe leMfundo leNtshona Koloni (i-WCED) laziswe liSebe leNkulumbuso ukuba iCosatu ihlabe ikhwelo kuyo yonke imibutho emanyene nayo nakumalungu ayo kwaye yayikhuthaza ukuba ixhase iphulo elithi "IZithuba zeNgqesho neNtlupheko" (“Jobs and Poverty”) ngokuthi ithathe inxaxheba kubeko-phantsi lwezixhobo zomsebenzi imini yonke. |
2. |
Olu qhankqalazo lwe-Cosatu lucwangciselwe uMvulo, we-3 Oktobha 2005 eNtshona Koloni.
|
3. |
Ukuze sibenako ukulungiselela ukumelana nolu beko-phantsi lwezixhobo zomsebenzi lunokwenzeka ngalo mhla sele ukhankanyiwe ngentla apha, abaphathi/iintloko zamaziko emfundo mazilungise iinkqubo zokuqinisekisa ukuba aza kuqhubeka esebenza amacandelo namaziko emfundo. Kucelwa niqaphele ukuba, apho abaphathi/iintloko zamaziko emfundo nazo ziza kuthatha inxaxheba kolu beko-phantsi lwezixhobo zomsebenzi, ngumsebenzi weesuphavayiza/wabaphathi beesekethe abachaphazelekayo ukuba baqinisekise ukuba ezi nkqubo zihlala zilungele imeko.
|
4. |
Kucelwa ukuba niqwalasele ezi Ngcaciso ziMfutshane zilandelayo zezoBudlelwane eMsebenzini: 001, no- 002 ka-2004, nezicacisa gca ngenkqubo echanekileyo emayilandelwe.
|
5. |
Nangona kunjalo, ezi ngongoma zilandelayo ziyagxininiswa ukuba niziqwalasele:
|
6. |
Ngenxa yoku kulapha ngentla, iya kuthakazelelwa into yokuba bonke abaphathi/iintloko zamaziko zingazalisa izihlomelo eziqhotyoshelwe apha zize zizingenise kwiCandelo lezoBudlelwane eMsebenzini, zizidlulise kuqala kwi-EMDC echaphazelekayo (ngawo onke amaziko emfundo), ukuze ziqwalaselwe ngulo CR Esau, inombolo yefeksi (021) 425 8612 okanye idilesi ye-imeyili:cesau@pgwc.gov.za, ngokukhawuleza, ungadlulanga umhla, we-5 Oktobha 2005. Kucelwa niqaphele ukuba izihlomelo mazizaliswe, nokuba ngaba akukho mntu kwicandelo/kwiziko lakho oye wathatha inxaxheba kubeko-phantsi lwezixhobo zomsebenzi, njengoko le ngcaciso ifunwa liSebe loMphathiswa noLawulo lweNkonzo kaRhulumente. |
7. |
Uyaziswa ukuba iimanyano kwezemfundo ezizibandakanya ne-Cosatu zezi zilandelayo:
Sadtu
- Nehawu
- Pawusa and
- Denosa
|
8.1 |
ICandelo lezoBudlelwane eMsebenzini liya kuba namagosa aya kuhlala esemsebenzini ukuze anike iingcebiso/uncedo ngeli thuba lichaphazelekayo. |
9. |
Nceda wazise okukule ngcaciso imfutshane zonke iisuphavayiza nabathathi-nxaxheba abachaphazelekayo.
|
ISAYINWE: NGU-W WANDRAG
INTLOKO: YESEBE LEMFUNDO
UMHLA: 2005:09:27
|