| 2. |
Ii-mark sheet ekufuneka zizalisiwe kwinkalo yesifundo nganye, zinendawo yokufaka amanqaku kumacandelo omabini enkalo yesifundo. Ngoko ke amanqaku azo zombini ezi mvavanyo, uvavanyo oluyi-CASS (Continuous Assessment) olumananqaku ayi-75 novavanyo oluyi-Common Tasks for Assessment (CTA) olunamanqaku ayi-25 kwinkalo yesifundo nganye, aya kufakwa kwakule mark sheet inye. Nceda uqaphele ukuba ii-mark sheet zibhalwe macala omabini.
|
| 3. |
Ziyacelwa iinqununu ukuba zincede ziqinisekise ukuba bonke abafundi babhalisiwe kwakunye nokuba iinkcukacha zabo zichanekile.
|
| 3.1 |
Ukuba igama lomfundi aliveli kwi-mark sheet, igama malingafakwa kwi-mark sheet, njengoko lingayi kuskeneka. Isikolo masilungise amanqaku omfundi size singenise iinkcukacha zomfundi namanqaku kwiphepha elisecaleni.
|
| 3.2 |
Ukuba azichanekanga iinkcukacha zaye nawuphi na umfundi, oku makuboniswe kwiphepha elisecaleni kungenziwa lutshintsho kwi-mark sheet.
|
| 4. |
Kubaluleke kakhulu ukuba amanqaku afakwe kwi-CASS omfundi ngamnye abe ngamanqaku amodareyithiweyo. Imisebenzi eyenza ii-CTAs sele ibekwe emgangathweni yaza yamodareyithwa: ngako oko ke xa imakishwayo, ootitshala mabathi mbo balandele imemorandam ngqo bangaphumi nakancinane kuyo.
|
| 5. |
Kucelwa niqaphele ukuba ukufakwa kwenqaku lecandelo elinye kufuna kukhuhlwe iilozenji ezimbini kwi-mark sheet. Umzekelo, ukuba umfundi ufumene amanqaku angama-47 kwicandelo le-CASS lenkalo yesifundo, kuya kufuneka kukhuhlwe zombini ezo lozenji, engaphantsi ko-40 kumgca ongentla kwibloko ka-CASS nelozenji engaphantsi ko-7 kumgca ongezantsi. Ukuba umfundi ufumene amanqaku angaphantsi ko-10 nokuba kukweliphi na icandelo, kuya kufuneka kukhuhlwe ilozenji engaphantsi ko-0 kumgca ongentla nelozenji engezantsi kwamanqaku afanelekileyo kumgca ongezantsi.
|
| 6. |
Kwafunyanwa ezi ngxaki zilandelayo xa kwakuskenwa ii-mark sheet zika-2002 no-2003:
|
| 6.1 |
Kwakukhuhlwe ngaphezu kwelozenji enye kumgca othile.
|
| 6.2 |
Ootitshala bahlaba amanqaku, batshintsha amagama nedatha, banombola ii-mark sheet baza babeka isitampu sesikolo kanye phezu kwebhakhowudi.
|
| 6.3 |
Endaweni yokukhuhla ilozenji, ootitshala basuka bakrwela nje umgcana okanye umgca omncinane kakhulu kwilozenji, nongazange ubonwe siskena.
|
| 6.4 |
Apho abafundi babengekho (A)- (absent), bekhutshiwe ezincwadini (D)- (deregistered) okanye betshintshele kwezinye izikolo (T)–(transferred), ezi nkcukacha azizange ziboniswe kwi-mark sheet.
|
| 6.5 |
Amanqaku afunyenwe kwi-CTA nakwi-CASS adityaniswa yaza itotali yawo yaboniswa kwigridi yamanqaku, nto leyo eyabangela ukuba ii-mark sheet zikhatywe (rejected) njengoko kwakugqithiwe kwelona nani likhulu lamanqaku (maximum mark).
|
| 7. |
Makulandelwe ngqo le miyalelo ilandelayo xa kuzaliswa ezi fom:
|
| 7.1 |
Mazingasongwa ii-mark sheet
|
| 7.2 |
Mazingadityaniswa ngesteyipla okanye zidityaniswe kunye ii-mark sheet.
|
| 7.3 |
Mazingafakwa eplastikini okanye kwizingxotyana zeplastiki ii-mark sheet.
|
| 7.4 |
Makungabikho mingxunya igqojozwayo kwii-mark sheet.
|
| 7.5 |
Makungasetyenziswa glu kwii-mark sheet.
|
| 7.6 |
Musa ukugximfiza ii-mark sheet ngesitampu sesikolo.
|
| 7.7 |
MUSA ukusebenzisa i-inki ebomvu xa ufaka amanqaku. Sebenzisa ipeni emnyama okanye eblowu.
|
| 7.8 |
Sebenzisa ipensile eyi-HB okanye ebhala mnyama kuphela ukukhuhla ilozenji kwigridi yamanqaku.
|
| 7.9 |
Makungaze nakanye kusetyenziswe iikopi ezifotokotshiweyo zee-mark sheet okanye ii-mark sheet ezindala.
|
| 7.10 |
Musa ukufakela amagama abafundi kwii-mark sheet.
|
| 8. |
Ukuba kuye akwabikho manqaku omfundi kwinkalo yesifundo okanye kwicandelo lenkalo yesifundo, nceda qaphela oku kulandelayo:
|
| 8.1 |
Isizathu sokungabhalwa kwamanqaku masiboniswe ngokukhuhlwa kwelozenji echaphazelekayo kwi-mark sheet:
"A" kumfundi obengekho (absent learner)
"D" kumfundi okhutshiweyo ezincwadini ("deregistered" learner)
"T“ kumfundi otshintshele kwesinye isikolo (transferred learner)
|
| 8.2 |
Ukuba umfundi ebengekho ngenxa yokugula, makungeniswe incwadi kagqirha esemthethweni ukuze kusetyenziswe amanqaku omfundi e-CASS njengamanqaku okugqibela.
|
| 9. |
Ii-mark sheets ezizaliswe zonke iinkcukacha mazingeniswe ngoLwesihlanu we-2 Disemba 2005
ngokuposelwa kulo:
The Head: Education
Western Cape Education Department
For attention: Mr L. Samuels
Directorate: Examinations (GETC)
Private Bag X9114
Cape Town
8000
okanye ngokusetyenziswa kwenkonzo yeKhuriya uSKYNET Courier
Services, kule nombolo 021 531 9191, kubhalwe le dilesi:
For attention: Mr L. Samuels
Western Cape Education Department
Directorate: Examinations (GETC)
Room 417, 4th floor
Lower Parliament Street
Cape Town
8001
|
| 10. |
Njengoko inkqubo yokufakwa kwedatha kwikhompyutha ixhomekeke ngokupheleleyo ekubeni ii-mark sheet zichaneke kangange-100%, siya kuyivuyela intsebenziswano yenu malunga nalo mba.
|
ISAYINWE: NGU-A.P. CLAUSEN
INTLOKO: YESEBE LEMFUNDO
UMHLA: 2005:10:03
|