1. Ngo-2005 ngethuba leeholide zikaJuni-Julayi nezikaSeptemba ootitshala baqhelaniswa neNgcaciso yeKharityhulam kaZwelonke yeMfundo noQeqesho oluQhubelekayo (Further Education and Training (FET) National Curriculum Statement (NCS) kwimixholo yezifundo.
2. Le nkqubo yokuqhelaniswa iya kuqhubeka nango-2006 kootitshala bamaBakala 10, 11 no-12. Oomasifundisane bokuqhelaniswa baya kuqhubeka ngeeholide zesikolo zikaJuni-Julayi 2006 ukususela nge-26 Juni ukuya kwi-7 Julayi 2006. Akukho masifundisane bokuqhelaniswa nezifundo baya kuqhubeka ngoSeptemba 2006.
3. Ukuqhelaniswa ne-NCS kootitshala bamaBakala 10 - 12 kuya kwenziwa ngefomathi entsha ngo-2006, esekelwe kwinkqubo yokujonga imfuneko (fit-the-need-approach). Kuya kwenziwa iprogram eziimodyuli yaba masifundisane. Le program, egxininisa imixholo emitsha equlathiweyo, iindlela zovavanyo nosetyenziso lwezixhobo zokufunda, ngakumbi kwiBakala 11, iya kunika ootitshala ithuba lokukhetha, ngokungqinelana namabanga emfundo abawaphumeleleyo kunye namava abo, ezo modyuli abanqwenela ukuya kuzo.
4. Kuya kwenziwa isicwangciso sesifundo kwimodyuli nganye, nesiya kubonisa indlela yokufundisa imixholo emitsha equlathiweyo kusetyenziswa iindlela ezifanelekileyo zokufundisa, zokufunda nezokuvavanya, kwakunye nezixhobo ezifanelekileyo zokuxhasa ukufunda.
5. Bonke ootitshala baya kulindeleka ukuba baye kwabo masifundisane babakhethileyo, ngenjongo yokufunda koomasifundisane nangenjongo yokongeza oko kunokuzuzwa kubo ngokuthi bafake amagalelo abo namava abo ukuze kuzuze abanye ootitshala. Aba masifundisane baya kugxininisa ekudibaniseni okufundwa ezincwadini (ithiyori) nokwenziwa komsebenzi (practice), kodwa umasifundisane ngamnye uya kwahluka komnye ngokwesifundo nesifundo. Ngasinye isifundo siya kwenziwa kwiprogram ethatha iintsuku ezintlanu, nokuba ngaba kukwiveki eqala nge-26 Juni 2006 okanye kwiveki eqala nge-3 Julayi 2006.
6. Zonke izifundo ezincinane (Music, Dance studies, Visual Art, Design, Dramatic Arts, Agriculture, Mechanical Technology, Electrical Technology, Engineering, Graphics and Design, and Tourism) ziya kuqhutyelwa kwiindawo ezisembindini, lo gama zonke ezinye izifundo ziya kuqhutyelwa kwiindawo zezithili zee-EMDC.
7. Kwale program inye yesifundo ngasinye iya kwenziwa kuzo zonke izithili zee-EMDC.
8. Iinqununu nootitshala mabaqaphele ukuba aba masifundisane bangoJuni-Julayi 2006 abasayi kuphindwa kwakhona.
9. Ukongeza kule nkqubo yokuqhelaniswa nezifundo ikhankanywe apha ngentla, ootitshala bamaBakala 10 - 12 baya kuqhelaniswa novavanyo lwezifundo. Isikhokelo sovavanyo lwezifundo siya kuthunyelwa ngqo ezikolweni sisuka kwi-ofisi yeSebe leMfundo likazwelonke. Aba masifundisane beeyure ezi-2 baya kuqhutywa ngendlela yokuba kudityaniswe izikolo ezisebenzisanayo (cluster contexts) kwizithili zee-EMDC.
10. Iprogram nengcaciso malunga nenkqubo yokubhalisa iya kuthunyelwa ezikolweni ngoFebruwari 2006.
11. Ziyabongozwa iinqununu ukuba zincede zinike ikopi yale setyhula bonke ootitshala bamaBakala 10 - 12, okanye ziqinisekise ukuba aba titshala banikwe zonke iinkcukacha ngokupheleleyo ngaba masifundisane bango-2006.


ISAYINWE: NGU-JP RAULT-SMITH
INTLOKO: YESEBE LEMFUNDO
UMHLA: 2005:10:31