1. |
Izikolo ezifundisa iZifundo zeKhompyutha HG no-SG kwinqanaba leBakala 12 zifanele ukuqaphela ukuba iZifundo zeKhompyutha HG no-SG iPhepha 2 (IiMviwo zePraktikhali) kwiiMviwo zeMatriki, ukususela ngoNovemba 2005, ziya kumakishwa kwiziko ekumakishelwa kulo lephondo kunye namanye amaphepha eeMviwo zeMatriki. |
2. |
Izikolo ezifundisa iZifundo zeKhompyutha HG kunye/okanye i-SG mazigcine kwiikhompyutha zonke iifayili ezizaliswe ngabaviwa beeMviwo zePhepha 2 kwi-CD ezazithunyelwe esikolweni eso zize zingenise i-CD ngokukhawuleza emva kokubhalwa kweZifundo zeKhompyutha HG iPhepha 2 nge-14 Oktobha 2005 ne-SG iPhepha 2 nge-02 Novemba 2005. |
3. |
Ngoko nangoko emva kokuba zigqityiwe iimviwo ezo, umsebenzi wabaviwa kufuneka ukhutshelwe kwi-CD, ekho umgadi wabaviwa. Ikhava ye-CD mayifakwe ilebhile ibhalwe inombolo yeziko. I-CD yokulalelisela (backup CD) mayigcinwe sisikolo. |
3.1 |
IZIFUNDO ZEKHOMPYUTHA HG: |
3.1.1 |
KwiZifundo zeKhompyutha HG kufuneka kwenziwe ifolda yomviwa ngamnye, ifakwe ilebhile ibhalwe inombolo yomviwa, kubekho neefolda ezincinane zeJava neeDathabheyisi, ize ibe nomsebenzi womviwa wamacandelo afanelekileyo. |
3.2 |
IZIFUNDO ZEKHOMPYUTHA SG: |
3.2.1 |
KwiZifundo zeKhompyutha SG isihlomelo esichaza ukuba yeyiphi imibuzo abaviwa abaye bakhetha ukuyiphendula masifakwe kwi-CD. Isihlomelo esifunekayo siya kufakwa nephepha loviwo. |
3.2.2 |
KwiZifundo zeKhompyutha SG, makwenziwe ifolda yomviwa ngamnye, ifakwe ilebhile ebhalwe inombolo yomviwa, ize ibe nawo wonke umsebenzi womviwa. |
4. |
Nceda uqaphele ukuba umsebenzi we-HG nowe-SG mawungafakwa kwi-CD enye. Ii-CD zeZifundo zeKhompyutha HG no-SG mazibotshwe kakuhle ngumgadi wabaviwa zize zithunyelwe ngekhuriya kwakunye nekopi yerejista yokubakho kunye nesicwangciso sokuhlala kwiCandelo leeMviwo, ukuba ziqwalaselwe nguMnu E van Breda. Kwimeko apho amaziko eemviwo abhalisa abaviwa bezikolo ngezikolo, makwenziwe ifolda eyahlukileyo kwi-CD efanelekileyo yesikolo ngasinye kwizikolo ebezibhalela kwelo ziko loviwo. |
5. |
Akukhuthazwa ukugcina umsebenzi wabaviwa kwizitifi. Nakuba kunjalo, ukuba isikolo asinako ukugcina umsebenzi wabaviwa kwi-CD, eso sikolo kufuneka sifumane imvume yokwenjenjalo kwiSebe leMfundo ngokuqhagamshelan noMnu I Francis ngale imeyili ifrancis@pgwc.gov.za okanye ngale nombolo yefoni (021) 467 2549 phambi kokuba kubhalwe iPhepha 2. |
ISAYINWE: NGU-JP RAULT-SMITH
INTLOKO: YESEBE LEMFUNDO
UMHLA: 2005:10:12
|