| 1. |
ISebe leJografi leYunivesithi yaseNtshona Koloni liya kuba liqhuba ikhosi ye-geographical information systems (GISs) ukuphucula izakhono zootitshala beJografi kwiSebe leMfundo leNtshona Koloni. |
| 2. |
Le khosi iya kuqhubeka ngowe-26 nowe-27 Septemba 2005 yaye iya kugxininisa ngakumbi usetyenziso lwe-GIS software kwiklasi yeJografi. |
| 3. |
Eli linge lendibaniselwano phakathi kweSebe leJografi leYunivesithi yaseNtshona Koloni neSebe leMfundo leNtshona Koloni liya kuba lelokuqala kuthotho lweekhosi zeholide zekota ezenzelwa ootitshala beJografi abanqwenela ukuphucula izakhono zabo zokufundisa ukulungiselela ikharityhulam entsha ye-FET. |
| 4. |
Ngethuba leeseshoni zikaJulayi 2005 zokuqhelaniswa nezifundo, ootitshala abaliqela babonisa umdla ekuyeni kwikhosi elolu hlobo. Uluhlu lwaba titshala luqhotyoshelwe njengeSihlomelo A. Nakuba kunjalo, nawuphi na utitshala weJografi kwiSebe leMfundo leNtshona Koloni angasenza isicelo sokuya kwikhosi, nangona, ngenxa yezibonelelo ezinqongopheleyo, linani eliqingqiweyo lootitshala abangama-80 kuphela eliya kuvunyelwa. |
| 5. |
Le khosi entsuku-mbini iya kuqhutyelwa kwiMathematics Computer Laboratory kwiYunivesithi yaseNtshona Koloni yaye iya kuqala ngezi ntsuku zimbini, nge-26 ne-27 Septemba 2005, ngo-08:30 iphele ngo-16:30.
|
| 6. |
Ootitshala abanqwenela ukuya ekhosini kuya kufuneka bazihlawulele ngokwabo iindleko zothutho kunye neendleko zokulala. Ifizi zekhosi yi-R50.00. |
| 7. |
Nawuphi na utitshala weJografi we-FET onqwenela ukuya ekhosini kufuneka azise uMnu Andrew Isaacs (onguMcwangcisi weKharityhulam oMkhulu kwiJografi) (Senior Curriculum Planner: Geography) ngale nombolo yefeksi (021-467 2258) okanye ngale dilesi ye-imeyili (anisaacs@pgwc.gov.za), ingekadluli eye-14:00 ngoLwesithathu, wama-21 Septemba 2005. |
| 8. |
Iinkcukacha ezipheleleyo zingafumaneka kula maziko ewebhu e-WCED alandelayo http://curriculum.wcape.school.za/, emva koko uye "ku-Geography (FET)". |
ISAYINWE: NGU- JP RAULT-SMITH
INTLOKO: YESEBE LEMFUNDO
UMHLA: 2005:09:16
|