| 1. |
Ziyacelwa iinqununu ukuba zifunde le Ngcaciso eMfutshane DEA/0029/2005, yomhla we-3 Juni 2005, ukuze zifumane ingcaciso ngokubhekiselele kwii-CTA, ingakumbi ngokumalunga nemiyalelo ebhekiselele kubungakanani bexesha elabelwe i-CTA nganye. Nceda uqaphele ukuba olu lwabiwo lubhekiselele kubungakanani obucetyiswayo belona xesha lincinane malinikwe kwanokuba abafundi banokuthatha ixesha elide ngaphezu koku ukugqiba imisebenzi yabo.
|
| 2. |
Kubalulekile ukuba kukhunjulwe ukuba imisebenzi kufuneka yenzelwe kwindawo efanekileyo ebanika inkuthazo abafundi.
|
| 3. |
Ngenxa yokuba kubekho ukulibaziseka ekulungiseleleni nasekuqinisekiseni umgangatho wee-CTA kwinqanaba likazwelonke, ukuziswa kwazo ezikolweni kuye kwahlehliselwa kwikota yesine, ekuyeni ekuphelelni kuka-Oktobha. ISebe liva kakubi ngenxa yoku kulibaziseka.
|
| 3.1 |
Xa kunokwenzeka ziya kusiwa ezikolweni kwasekuqaleni ku-Okthobha.
|
| 3.2 |
Kuya kuthunyelwa enye ingcaciso emfutshane ezikolweni ukuzazisa ukuba leliphi na ixesha emazilindele ngalo ukuziswa kwazo.
|
| 3.3 |
Ootitshala bangaqalisa ukuqhubeka nokubhalwa kwee-CTA nje ukuba babe bakulungele ukwenza oko, zakuba zizisiwe ii-CTA.
|
| 4. |
Ii-CTA ziya kuziswa ngeebhokisi kwaye aziyi kufakwa eziplastikini ezitywiniweyo. Ziyakhuthazwa izikolo ukuba zizivule iibhokisi zikhe zizijonge ii-CTA zakuba zizifumene ukuqinisekisa ukuba ayenziwa onke amalungiselelo, afana nokubonelelwa ngezixhobo okanye izibonelelo zokuncedisa ezifanelekileyo ukwenzela ukuba kuqhutywe le nkqubo kakuhle kungekho magingxi-gingxi. Izikolo maziqaphele ukuba iimephu eziya kubonelelwa mazigcinelwe ixesha elizayo ukuze zisetyenziswe njengezibonelelo zokuncedisa ukufunda.
|
| 5. |
Imibuzo emalunga nobhaliso lwabafundi ingabhekiswa kuMnu L van Gensen kule nombolo yefoni: (021) 467 2976 ize emalunga nokuziswa kwee-CTA, ibhekiswe kuMnu C Berry kule nombolo yefoni (021) 467 2265.
|
| 6. |
Kuya kufuneka abafundi bazigqibe iiCTA nge-21 Novemba 2005 ukuze kubekho ixesha elaneleyo lokufakwa kwedatha zizikolo.
|
| 7. |
Ukufakwa kwedatha makwenziwe ngepensile kumaxwebhu edatha ukwenzela injongo yokuskenwa ngekhompyutha (electronic scanning). Imiyalelo epheleleyo yokufakwa kwedatha iya kunikwa kwingcaciso emfutshane yoviwo eya kuhanjiswa kunye neeCTA.
|
| 8. |
Ii-EMDC ziya kuchophela inkqubo yokumodareyitha ngokwemihla yeeshedyuli zazo ebhengeziweyo. Ukuba ii-CTA ziye zagqitywa zaza zavavanywa ngaphambi kwemihla ecwangcisisweyo yokumodareyitha, obo bungqina ke makuziwe nabo kwiikomiti zokumodareyitha ezisebenza kunye (clusters).
|
| 9. |
Amaxwebhu edatha agqityiweyo angangeniswa ngesandla kwaba: abaMnu L van Gensen okanye L van Harte apha Room 417, Grand Central Towers, Lower Plein Street, Cape Town. Kungenjalo kufuneka izikolo zifonele inkampani yekhuriya kule nombolo: (021) 531 9191 ukuba ize kuqokelela amaxwebhu akuba nje egqityiwe. Onke amaxwebhu makabe kwaNdlunkulu nge-2 Disemba 2005.
|
| 10. |
Izikolo maziqaphele ukuba la maxwebhu edatha akathathi ndawo yeshedyuli yokupasa kwabafundi emayizaliswe ngesandla okanye ngekhompyutha ukuze ingeniswe kwikomiti ejongene nemiba ngemiba yezemfundo ye-EMDC ngendlela eqhelekileyo.
|
| 11. |
Ishedyuli yokupasa kwabafundi ka-2005 iyafana neshedyuli ka-2004. Ngaphandle nje kokushiywa kweCandelo B le-CTA, iinkqubo zokwenza iitotali zamanqaku kunye nokugcinwa kweerekhodi zika-2005 ziyafana nezika-2004.
|
| 11.1 |
Uhlobo loxwebhu lweMS Excel kwikhompyutha nolunceda ekubaleni lungafumaneka kweli ziko lewebhu: http://curriculum.wcape.school.za kwiqhagamshela (link) elithi “Assessment (GET and FET)”, phantsi kwesihloko “Resources” and “Grade 9 Data Capture Instrument”.
|
| 11.2 |
Uhlobo lweMS Word yolu xwebhu lukwafumaneka kwakweli qhagamshela (link) linye phantsi kwesihloko esithi “Promotion Schedule for Grade 9 2005”.
|
| 12. |
Ziyacelwa iinqununu ukuba zincede zikwazise okukule setyhula bonke abo bachaphazelekayo ukwenzela ukuba ootitshala, abafundi nabazali bazi ukuba ii-CTA ziza kuba yinxalenye yeprogram yekota yesine.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2005:09:05
|