| 1. |
Esi sicwangciso samaxesha okubhala siqhotyoshelweyo soviwo luka-Oktobha 2005 lweMfundo yaBadala kwiNqanaba 4 sifike sivela kwiSebe leMfundo likaZwelonke. Uviwo luya kuqala ngowe-12 Oktobha 2005 luze luphele ngowoku-1 Novemba 2005. Nganye inkalo yesifundo iya kubhalwa ukususela ngentsimbi ye-14:00 kuye kweye-17:00. Njengoko olu vavanyo iyinkqubo eyenzeka kwizwelonke, imihla namaxesha ayafana kwilizwe lonke yaye akusayi kuvunyelwa konke konke ukutenxa kwesi sicwangciso samaxesha okubhala.
|
| 2. |
Njengangaphambili, ngamagosa akwii-EMDC nakwaNdlunkulu nabameli baka-UMALUSI abaya kubeka esweni (monitor) inkqubo yokubhalwa koviwo.
|
| 3. |
Ukuba uvavanyo lwenzelwa kumasango esikolo esiqhelekileyo, umphathi weziko lemfundo yabadala makenze amalungiselelo kwangoko okuba kusetyenziswe igumbi elinqatyisiweyo, isakhiwo sezolawulo, amagumbi okufundisela namancedo ezindlu zangasese njl. njl.
|
| 4. |
Makancede amaziko aqinisekise ukuba abagadi babaviwa abaziintloko nabagadi babaviwa bawo baqeqeshiwe ncam yaye bayakwazi ukukusingatha ngempumelelo ukuqhutywa koviwo.
|
| 5. |
Ukwenzela ukusingatha imibandela yezolawulo, abaphathi bamaziko emfundo yabadala mababe kumaziko lawo phambi kokuqala kweseshoni nasekupheleni kweseshoni yovavanyo nganye.
|
| 6. |
Akukho mntu makavunyelwe angene kwindawo ekubhalelwa kuyo uviwo engaqalanga aveze ikhadi lokuzazisa elimgunyazisayo.
|
| 7. |
Bayacelwa abaphathi bamaziko emfundo yabadala ukuba:
|
| 7.1 |
banike bonke ootitshala nabaviwa isicwangciso samaxesha okubhala ukwenzela ukuba babe nako ukwenza izicwangciso zokugqibela zoviwo.
|
| 7.2 |
bakhumbuze bonke abaviwa babo ukuba kufuneka bavelise izazisi zabo neeleta zokuvunyelwa ukuba bahlalele iimviwo phambi kokuba kuqale iseshoni yovavanyo nganye.
|
| 7.3 |
banqwenelele bonke abaviwa impumelelo kwiimviwo zabo egameni leSebe leMfundo leNtshona Koloni.
|
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2005:08:08
|