| 2. |
INgcaciso yeKharityhulam kaZwelonke eHlaziyiweyo (The Revised National Curriculum Statement) (RNCS) iya kuqaliswa kwiBakala 7 ngo-2006. Iikhosi zoqeqesho lootitshala beBakala 7 abakwizikolo zikarhulumente kunye nezizimeleyo ziya kwenziwa kwi-EMDC nganye ukususela kumhla we-11 kuye kowe-15 Julayi ngethuba leeholide zezikolo. |
| 3. |
Uyakhunjuzwa malunga noku kulandelayo:
Le program ilungiselelwe ukuhlangabezana neemfuno zootitshala beBakala 7 abangazange baye kuqeqesho lweRNCS lweSebe leMfundo leNtshona Koloni ngaphambili. Kuphela ngootitshala abaye baqinisekisa ukuba baza kuya ngokuthi babhalise kwangethuba. (Le nkqubo yaba yimfuneko ukulungiselela iinjongo zokucwangcisa.) Ngenxa yokunqongophala kwemali kuya kubonelelwa ngeti kuphela. Bayacelwa abathathi-nxaxheba ukuba baziphathele isidlo sabo sasemini. Iifom zamabango entlawulo ngenxa yehambo enziwa ngootitshala abahlawulwa liSebe leMfundo leNtshona Koloni mazizaliswe ngokupheleleyo ngethuba likamasifundisane. Bayacelwa abathathi-nxaxheba ukuba beze namaxwebhu aboniswe kumhlathi 5, kwakunye nosiba nencwadana yokuchola-chola amanqakwana (notepaper). Ziyakhunjuzwa iinqununu ukuba, ngenxa yokuba kuza kugxininiswa kwiindlela zokucwangcisa, kuya kuba nenzuzo enkulu ukuba ootitshala abasuka kwisikolo esinye baya kwindawo enye yokuqhubela uqeqesho.
|
| 4. |
Kuya kukhutshwa ethubeni izatifikethi ezibubungqina bokuba bebekho ekhosini ootitshala:
abanika ubungqina beenombolo zabo zePesali (abaqeshwa beSebe leMfundo) okanye iinombolo zabo zesazisi (abaqeshwe yiSGB), umz. ngokuza nefotokopi yephetshana lovuzo (salary slip) okanye yesazisi. ababakho ngalo lonke ixesha lokuqhubeka kwekhosi baze basayine irejista yemihla ngemihla ebonisa ukuba bebekho.
|
| 5. |
Ukuze bazuze lukhulu kulo masifundisane, bayacelwa ootitshala ukuba bafundisisise la maxwebhu alandelayo:
The Overview of the Revised National Curriculum Statement (Policy) The Learning Area Statement (Policy) ukulungiselela iprogram yezifundo abaza kuyenza The Teacher’s Guide for the Development of Learning Programmes ukulungiselela iprogram yezifundo abaza kuyenza
Kufuneka ootitshala beze nawo la maxwebhu kwikhosi kaJulayi, kwakunye nala alandelayo:
Amaxwebhu eSebe leMfundo leNtshona Koloni ajolise ngakumbi kwiinkalo zezifundo angala, WCED’s Resource Material: “Unpacking” Document and Tables for Planning ukulungiselela iprogram yezifundo abaza kuyenza. La maxwebhu bawanikwa zii-EMDC koomasifundisane (workshops) ababeqhutywa ngenjikalanga kwikota yesibini – ngaphandle kootitshala be-EMDC East bona baya kulunikwa kwikhosi yangoJulayi the WCED’s Senior Phase Learning Programme Exemplar ukulungiselela iprogram yezifundo abaza kuyenza ikopi yabo ye-ELRC file (eyanikwa utitshala ngamnye) ikopi yabo ye-WCED’s Inclusive Curriculum Resource File (eyanikwa isikolo ngasinye).
Ukulungiselela iinjongo zokumana bejonga ngokukhawuleza okubhaliweyo, ikopi yokubhalwe kumaqweqwe ala maxwebhu inikwe kwiSihlomelo A.
|
| 6. |
Ziyakhuthazwa iinqununu ukuba zenze umasifundisane wootitshala besikolo phambi kokuba kuyiwe ekhosini ngoJulayi ukuqhelanisa ootitshala neRNCS. Kungenziwa oku ngokubonisa okukwi-Powerpoint presentation eqhotyoshelweyo (iSihlomelo B) kuboniswe kungamaphepha, kusisilayidi seOHP okanye kuboniswe ngekhompyutha. |
| 7. |
Ngethuba lekhosi kaJulayi ngamnye utitshala uya kwenza iprogram yesifundo, ishedyuli yomsebenzi, nezicwangciso zezifundo eziziisampula kwanemisebenzi yovavanyo yenkalo yesifundo ayikhethileyo. Ziyacelwa iinqununu ukuba zilungiselele ukuba ngamnye utitshala osuka kwizikolo zazo ajoyine iqela lenkalo yesifundo elahlukileyo ukwenzela ukulungiselela iiseshoni zokwenza ucwangciso ngethuba lekhosi. |
| 8. |
Emva kwekhosi kaJulayi, ngasinye isicwangciso sesikolo sika-2006 sazo zosibhozo iinkalo zesifundo makuqhutyelwe phambili naso. Kuya kubakho iseshoni emfutshane ngethuba lokuqhubeka kwekhosi apho ootitshala banokwenza amaqela ootitshala abasebenzisanayo (cluster groups) okuncedana ukugqibezela isicwangciso eso. Kucelwa inqununu ukuba ibekele bucala ixesha lokuba la maqela adibane kwikota yesi-3. Oku kusengenziwa kwintlanganiso yootitshala kwasekuqaleni kwekota yesithathu apho iajenda yentlanganiso ingabandakanya oku kulandelayo: |
| 9. |
umsebenzi wokucwangcisela iRNCS yeBakala 7
uphicotho lwesicwangciso – sisicwangciso sini esenziwa ekhosini, iyintoni esafuneka icwangcisiwe amaqela asebenzisanayo (cluster groups) enze amalungiselelo nezinye izikolo umkhomba-ndlela (ukwabiwa kwemisebenzi ecwangcisiweyo kunye nemihla yokugqitywa kwayo, iincwadi zokuncedisa ezifunekayo, iza kuqinisekisa njani ngomgangatho wesicwangciso i-SMT yaye iza kuyaba njani imisebenzi engundoqo ophambili yovavanyo, baza kwaziswa njani abazali) Ziyacelwa zonke izikolo zizenze zizigqibe iiprogram zezifundo neeshedyuli zomsebenzi zazo zonke iinkalo zezifundo zosibhozo phambi komhla we-16 Septemba 2005. Lungasetyenziswa uluhlu lokutshekisha (checklist) kwiSihlomelo C ukuncedisa ekwenzeni izicwangciso ezisemgangathweni. Inqununu iya kudlala indima ebalulekileyo ekulawuleni ngempumelelo lo msebenzi wezekharityhulam ukuze izicwangciso zibe nako ukungqinelana nemeko yesikolo eso. Ii-EMDC ziya kunika inkxaso eya kulandela emva koko apho kuyimfuneko. Ziyacelwa izikolo ukuba zazise uMcebisi wezeKharityhulam oyiNtloko we-EMDC yazo kwangethuba ngazo naziphi na iimfuno ezizodwa ezinazo.
|
| 10. |
Emva komhla we-16 Septemba, ii-EMDC ziya kufuna kungeniswe izicwangciso ezigqityiweyo kwaye ziya kukhetha nasiphi isikolo (random selection) ngeenjongo zokuqinisekisa umgangatho onguwo (quality assurance). Ziya kucelwa izikolo ukuba zazise iSebe leMfundo leNtshona Koloni ngokulungela kwazo ukuqalisa iRNCS kwiBakala 7 ngo-2006. Ii-EMDC ziya kuzazisa izikolo kwangethuba ukuba ngaba ziza kucelwa ukuba zifake izicwangciso zazo. |
| 11. |
Ukuphunyezwa ngempumelelo kweRNCS kwiBakala 7 ngo-2006 kuxhomekeke kwizinto ezininzi, eyona ibaluleke ngakumbi kuzo ngootitshala. Ikhosi yokuqhelaniswa neenkalo zezifundo nenika ulwazi yangoJulayi yenzelwe ukunceda ootitshala bacwangcise izifundo novavanyo zingqinelane nemeko yeeklasi zabo. Bayacelwa ootitshala beBakala 7 abaza kuza kwezi khosi ukuba beze bezilungiselele ukuze bakwazi ukulisebenzisa ngokupheleleyo eli thuba. |
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2005:06:02
|