1. Kufanele ukuba njengangoku sele lugqityiwe ubhaliso lootitshala kwii-EMDC zabo bebhalisela oomasifundisane bephondo bokuqhelaniswa nezifundo (provincial orientation workshops) (khangela kwiSetyhula 0016/2005). Bayabongozwa ngamandla ootitshala ukuba bangazitshintshi iindawo ababhalisele zona njengoko oku kuya kuchaphazela ukufumaneka kweencwadi nezinto ezilungiselelwe oomasifundisane.
2. Iikopi zeeNgcaciso zeKharityhulam kaZwelonke (National Curriculum Statements) (NCS)) zeelwimi zaseburhulumenteni (uLwimi lweNkobe) njengangoku zisiwa ezikolweni. Ngamnye utitshala ofundisa ulwimi makanikwe ikopi. Ziyacelwa iinqununu ukuba ziqhagamshelane ngokukhawuleza noMcebisi ngezeKharityhulam oyiNtloko okwi-EMDC yazo ukuba ziye zashota. IiNgcaciso zeKharityhulam kaZwelonke (The National Curriculum Statements) zeeLwimi zoKuqala nezeSibini ezoNgezelelweyo ziya kuthunyelwa ngoJuni 2005.
3. Iiseti ezintathu zezifundo zeeNgcaciso zeKharityhulam kaZwelonkesele zisiwe kwisikilo ngasinye. Ootitshala abafundisa ezi zifundo mabanikwe ikopi. Bayakhuthazwa ootitshala abafundisa ezi zifundo ukuba bawafundisise la maxwebhu ukulungiselela oomasifundisane bokuqhelaniswa nezifundo.
4. Sele senziwe isiKhokelo seProgram zeZifundo (Learning Programme Guidelines) (LPGs)) kuso ngasinye sezifundo ezingama-21 ezivunyiweyo ze-NCS ukunceda ootitshala nezikolo ekucwangciseleni ukuqaliswa kwe-NCS kumaBakala 10 – 12.
5. Makuqatshelwe ukuba ii-LPGs azinawo amacandelo angovavanyo. Iimfuno zovavanyo olwenziwa liziko ngokwalo okanye olwangaphandle (internal and external assessment requirements) zesifundo ngasinye se-NCS ziya kunikwa kwiZikhokelo zoVavanyo lweZifundo (Subject Assessment Guidelines) kwisifundo ngasinye. Ezi zikhokelo ziya kufika ezikolweni ngoSeptemba 2005.
6. Ukuxhasa ngakumbi amalungiselelo nokucwangcisela iFET NCS, kuza kubakho inkomfa yeenqununu emxholo wayo uthi "A Learning Home for All – the Role of the School FET Curriculum", neya kuba ngoMgqibelo we-11 Juni 2005 (funda le Ngcaciso eMfutshane yeCandelo lezeKharityhulam 0037/2005). Kule nkomfa izithethi, eziya kubandakanya uMphathiswa weMfundo, iNtloko yeSebe leMfundo neSekela Mlawuli-Jikelele kwiFET elivela kwiSebe leMfundo likazwelonke, ziya kuthetha ngezihloko eziliqela ezifanelekileyo.
7. Le nkomfa enkankanywe apha ngasentla iya kunika umxholo ongqonge oomasifundisane abaza kulandela abaya kwenziwa zii-EMDC neeKomiti zoLawulo lweZikolo (School Management Teams (SMTs)) ngekota yesithathu ukunika inkxaso ekucwangciseleni nasekulawuleni ukuphunyezwa kwale nkqubo.


ISAYINWE: NGU-T. SMIT
INTLOKO: YESEBE LEMFUNDO
UMHLA: 2005:05:13