1. Kulo nyaka iVeki yeSayensi kaZwelonke, eyaqaliswa ngo-2000, iya kuba kuwo onke amaphondo osi-9 ukususela kumhla wesi-7 Meyi ukuya kowe-11 Meyi 2005. Le veki ixhaswa ngemali liSebe leSayensi neThekhinoloji (Department of Science and Technology (DST)) ize ixhaswe nguMphathiswa weMfundo kuzwelonke noMphathiswa weMfundo wePhondo leNtshona Koloni.
2. ISebe leMfundo leNtshona Koloni liyixhasa ngokupheleleyo imisebenzi eya kwenziwa kwiphondo leNtshona Koloni ukuphumeza ezi njongo zilandelayo:

  • Ukwenza kwaziwe ukubaluleka kwendima edlalwa yisayensi kwintlalo yabantu yemihla ngemihla

  • Ukukhuthaza ulutsha ukuba lucinge ngokufunda luze luphucule iziphumo zalo kwimathematika nakwisayensi

  • Ukutsalela ulutsha ngakumbi kumakhondo omsebenzi abandakanya isayensi, ubunjineli nezethekhinoloji (science, engineering and technology) (SET)
3. Ziyacelwa izikolo ukuba zize ngaphambili ukuza kuxhamla amathuba eziwanikwayo ngala maziko mathathu akwiphondo leNtshona Koloni (nceda ufunde le thebhile ilandelayo) akhethelwe imisebenzi yeVeki yeSayensi. Kungaqhagamshelwana nala maziko ukulungiselela utyelelo nokwenza amalungiselelo othutho anokubakho, ukuba ayafumaneka.
Igama lezikoIqela ekujoliswe kuloImisebenziIinkcukacha zonxibelelwano
MTN ScienCentre eCentury City eKapa R - 12 noluntu Oomasifundisane(workshops) abaziintlobo ngeentlobo, iintetho, imiboniso yesayensi, iihambo zemfundo (excursions), imiboniso neqonga lesayensi (science theatre)Ridley Esbie
Vanessa Bolters
Ifoni: 021 529 8100 Ifeksi: 021 529 8179
Hermanus Magnetic Observatory, eHermanusOotitshala, abafundi noluntuIintsuku ezivulelekileyo (open days), izifundo, iisemina, amakhuphiswano abafundi, ukulinganisa abo bangumzekelo (role modeling), iindlela zokufikelela ezikolweni, oomasifundisane bootitshala nemiboniso yesayensi Nks E Fraser
Ifoni: 028 312 1196
Ifeksi: 028 312 2039
Ithemba Laboratries eSomerset WestOotitshala, abafundi noluntuIintsuku ezivulelekileyo, iindlela zokufikelela ezikolweni (outreach), imiboniso yesayensi, imiboniso yamakhondo omsebenzi noomasifundisane bootitshalaNks G Stone
Ifoni: 021 843 1113
Ifeksi: 021 843 3525

4. Ziyacelwa izikolo ukuba ziqaqambise imisebenzi yesayensi ngaloo veki ezikolweni ngokuthi, umzekelo,

  • zenze amalungiselelo osuku oluvulelekileyo lokuza koluntu (open day) apho esikolweni.

  • zimeme oososayensi basekuhlaleni banike iintetho kubafundi.

  • zijolise kumakhondo omsebenzi anxulumene nemathematika, isayensi nethekhinoloji.

  • zazise ootitshala ngomgaqo-nkqubo ongeNkqubo yoLwazi lwezeMveli ofakwe kwigazethi ngoMatshi 2005. Lo mgaqo-nkqubo uyafumaneka kweli ziko lewebhu: http://curriculum.wcape.school.za (Yiya ku-Useful Links (kwikholam engasekunene) ube sele uklikha oku Indigenous Knowledge Systems  [ubukhulu: 837 KB] ).
5. Kungekudala izikolo ziza kufumana izixhobo ezikhuthaza ukufundwa kwesayensi(promotional material) ezivela kwi-South African Agency for Science and Technology Advancement (SAASTA).


ISAYINWE: NGU-M.J. CAMERON
INTLOKO: YESEBE LEMFUNDO
UMHLA: 2005:04:28