| 1. |
INTSHAYELELO
Le setyhula isaqhuba imicimbi eyayikwiSetyhula 0071/2004 kaNovemba 2004. INkcazo yeKharityhulam kaZwelonke eHlaziyiweyo (RNCS) iya kuqaIisa ukuphunyezwa kwiBakala 7 ngo-2006. Ezi khosi zezoqeqesho lootitshala beBakala 7 kuphela kwizikolo zikarhulumente nezikolo ezizimeleyo abangazange beze kwiikhosi zeRNCS ngo-2003 okanye ngo-2004, neziya kuqhutywa ngethuba leeholide zikaJulayi kwi-EMDC nganye. Zaziceliwe izikolo ukuba zingenise amagama abo titshala bachaphazelekayo ngomhla we-10 Disemba 2004.
|
| 2. |
IPROGRAM YOQEQESHO
Iprogram yoqeqesho yephondo yootitshala namagosa ukwenzela ukuba baphumeze iNkcazo yeKharityhulam kaZwelonke eHlaziyiweyo kwisiGaba saBadala (Senior Phase), linyathelo elenziwa ngokubambisana elithathwe liSebe leMfundo likazwelonke, ngamasebe emfundo amaphondo, ngamaziko emfundo ephakamileyo, yimibutho yootitshala nababoneleli beenkonzo (service providers), iqulethe oku kulandelayo:
Uqeqesho lweKomiti eQeqeshayo yePhondo kwiSebe leMfundo leNtshona Koloni, oluqhutywa yiKomiti eqeqeshayo kaZwelonke: Apreli - Juni 2005. Uqeqesho lootitshala beBakala 7 oluqhutywa yiKomiti eQeqeshayo yePhondo kwiSebe leMfundo leNtshona Koloni ukususela kowe-11 kuye kowe-15 Julayi 2005. Uqeqesho lwamagosa nababoneleli beenkonzo ngabasebenzi abakwi-EMDC nakwaNdlunkulu ngo-2005.
|
| 3. |
UQEQESHO KWISIGABA SABADALA LOOTITSHALA BEBAKALA 7 |
| 3.1 |
Bonke ootitshala beBakala 7 bezikolo zikarhulumente nezikolo ezizimeleyo kumele ukuba sele bezile kwikhosi yoqeqesho phambi kokuqalisa ukuphunyezwa kweRNCS ngoJanuwari 2006. Esinye seziphumo zale khosi kukwenziwa kweshedyuli yomsebenzi ethathelwa kumzekelo weprogram yezifundo (exemplar learning programme) o.k.t. ukucwangcisa iprogram yebakala. |
| 3.2 |
Le khosi yootitshala beBakala 7 iya kuthatha iintsuku ezine nesiqingatha (4½-day course) yaye iya kubandakanya oku kulandelayo:
Iziphumo zokufunda kunye nemigangatho yovavanyo kwiinkalo zezifundo Iimfuno malunga novavanyo: imiba engokuqhubela phambili komfundi nokunika inkxaso Ukuveliswa kweeprogram zezifundo zeenkalo zezifundo Iindlela zokusingatha iimeko zokuba lo gama iBakala 7 likwisiGaba saBadala (Senior Phase), alisoloko iBakala 7 likwisikolo esinye namaBakala 8 no-9. Ukuveliswa kweprogram yezifundo (ukucwangcisela isigaba) ishedyuli yomsebenzi (ukucwangcisela ibakala unyaka wonke) nezicwangciso zezifundo ezenziwa ngutitshala aza kuzisebenzisa yena ngokwakhe Ulawulo lwegumbi lokufundisela Imfundo ebandakanya bonke abafundi Ukwahlula, iiklasi ezidibanisa amabakala ahlukeneyo nezisebenzisa iilwimi ezininzi Amalungiselelo aya kulandela eendlela zonxibelelwano nabanye nokunika inkxaso emva kukamasifundisane Iimpendulo kwimibuzo nezinto ezixhalabisayo
|
| 3.3 |
Bayacelwa abathathi-nxaxheba ukuba beze nepromotional set yesikolo okanye neseti yabo abayisebenzisayo yeNkcazo yeKharityhulam kaZwelonke eHlaziyiweyo kwakunye nezixhobo zokubhala. Ezinye izinto zokunika inkxaso ezinjengesishwankathelo sesikhokelo sokuvelisa iiprogram zezifundo, ziya kubonelelwa ekhosini liSebe leMfundo leNtshona Koloni. |
| 3.4 |
Ngethuba lekota yesibini izikolo ziya kuthunyelelwa umzekelo weprogram yezifundo (exemplar learning programme) yenkalo yesifundo nganye. La maxwebhu makuziwe nawo kwakhona kule khosi yangoJulayi. |
| 3.5 |
Kwenziwa amalungiselelo zii-EMDC oomasifundisane basemva kwemini abangee-nkalo zezifundo ezisi-8 ngethuba lekota yesibini ka-2005. Izikhokelo kwinkalo yesifundo nganye, ezibandakanya izicwangciso zeziphumo zokufunda nemigangatho yovavanyo ngokwefomathi ebonisa ukuqhubela phambili komfundi kwisigaba eso ziya kufumaneka kwaba masifundisane. |
| 4. |
IMIHLA, AMAXESHA NEENDAWO |
| 4.1 |
Ikhosi yoqeqesho lootitshala iya kwenziwa kwiindawo ezingaphezu kwenye kwiEMDC nganye. NCEDA UQAPHELE UKUBA IMIHLA NAMAXESHA KUZO ZONKE IINDAWO AYAFANA.
IMIHLA: 11 - 15 JULAYI 2005 AMAXESHA: 08:00 - 16:00
ngaphandle kwangosuku lokuqala apho ubhaliso
luqala ngo-8:30 lize ixesha lokuqala ikhosi libe ngu-09:00.
| CENTRAL | EAST | NORTH | SOUTH |
EMDC
7 Main Road
Mowbray | Hendrick Louw
Primary School | Bosmansdam
Primary School | Agape
Specialised School
Mitchell's Plain |
Cape Town
Teachers' Centre
Claremont | Macassar
High School | Kenridge
Primary School | Ottery
Youth Centre |
Cape Peninsula
University of Technology
Mowbray Campus | Simonsberg
Primary School | Excelsior
Secondary School | Portland Indoor
Sport Centre |
| | Encotsheni
Primary School | EMDC Hall
Parow | Nompumelelo Training
Centre, Gugulethu |
| | Masiphumelele
Primary School | | Zwaanswyk
High School |
| | EMDC Kuils River | | |
BREEDE RIVER/
OVERBERG | SOUTH CAPE
KAROO | WEST COAST/
WINELANDS |
| Swartberg Primary School | Parkdene Primary School | Rietenbosch Primary
School, C1 |
| De Villiers Primary School Robertson | St Mary's Primary School George | Noor-Eind Primary
School C2,3 |
| Ceres Secondary School Ceres | Oteniqua Primary School George (Eng) | Steynville High School
Piketberg C6 |
| EMDC Worcester | Wesbank Primary School Oudtshoorn | Weskus Special
School C7 |
| EMDC Worcester | Brighton Junior School Oudtshoorn | Clanwilliam
High School |
| | Nico Brummer Primary School
Beaufort West (Eng/Afr) | Vredendal Secondary School C9 |
| | Knysna Primary | |
| | Sao Bras Secondary School
Mossel Bay | |
|
| 5.1 |
ISebe leMfundo leNtshona Koloni liya kubabuyisela ngeendleko zabo zothutho abathathi-nxaxheba abaqeshwe liSebe leMfundo leNtshona Koloni abaya kwezona ndawo zikufuphi kubo kusetyenziswe amaxabiso entlawulo eSebe. Nakuba kunjalo, bayacelwa abathathi-nxaxheba ukuba basebenzise isithuthi esinye, kangangoko oku kunokwenzeka. Ngenxa yokunqongophala kwemali, ootitshala bezikolo ezizimeleyo nabo baqeshwe ngamabhunga olawulo ezikolo kufuneka bafune intlawulo kwizikolo zabo.
AKUKHO MABANGO ENTLAWULO AYA KUNGENISWA EMVA KOKUBA IDLULE IKHOSI. |
| 5.2 |
Ukwenzela ukuba babe nokufaka amabango entlawulo ekupheleni kwekhosi, kufuneka abathathi-nxaxheba babe neenombolo zabo zepesali, kunye nale ngcaciso ilandelayo:
Abo bahamba ngezithuthi zabo: Mabanike iinkcukacha zezithuthi, o.k.t. luhlobo luni lwesithuthi, unyaka esenziwe ngawo nobukhulu benjini (umz. 1300cc) kunye nerekhodi yeekhilomitha ezihanjiweyo (ekuqaleni nasekupheleni kohambo imini nganye) Izithuthi zikawonke-wonke: KUFUNEKA kungeniswe iirisithi zihambe nebango. Abakhweli-ziteksi: Ukuba akukhutshwa zirisithi, kufuneka abathathi-nxaxheba bangenise ingxelo efungelweyo (affidavit) ehamba kunye nebango necacisa oku kulandelayo: Igama nenombolo yepesali
Igama lesikolo
Indawo osuka kuyo nendawo ophela kuyo
Ixabiso lohambo olunye
Imihla obanga intlawulo yayo
Isixa-mali esenzelwa ibango
Nokuba ibikukuphela kwendlela yothutho ebikho kunye/okanye ibiyeyona ndlela ebiza bhetele ebifumaneka.
|
| 6. |
Kucetyiswa izikolo ukuba zincede nakanjani na ziqinisekise ukuba bonke ootitshala beBakala 7 abakuzo beza kumasifundisane omnye ukwenzela ukuba ukucwangcisela u-2005 kuqalwe ngexesha elinye ngootitshala. |
| 7. |
Kuya kubakho iti namaqebengwana. Bayacelwa abathathi-nxaxheba ukuba baziphathele ukutya kwabo. |
| 8. |
Ukuphunyezwa ngempumelelo kweRNCS njenge-kharityhulam kazwelonke kuxhomekeke ekuqondweni ngendlela efanayo kwekharityhulam kunye namalungiselelo aneleyo enziwa ngabaphathi bezikolo, ngootitshala nangamagosa eSebe achaphazelekayo. |
| 9. |
ISebe leMfundo leNtshona Koloni ligxininisa ukubaluleka kwezi khosi zoqeqesho ukuze sonke sibe nokulenza ngempumelelo utshintsho lwekharityhulam nokuphunyezwa kwayo okuya kuba yinzuzo kubo bonke abafundi bethu. Elokuphetha, eli Sebe linqwenela ukubulela iinqununu nootitshala ngenkxaso yabo ngokumalunga noku. |
| 10. |
Ziyacelwa iintloko zamaziko emfundo ukuba ziqinisekise ukuba konke okuqulethwe yile setyhula kuthathelwa ingqalelo ngabo bonke ootitshala abachaphazelekayo. |
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2005:03:18
|