| 1.1 |
Ngenxa yenjongo yokwandisa uphuhliso lwengqiqo (conceptual development) kubafundi, iSebe leMfundo leNtshona Koloni, ngokusebenzisa iMathematics, Science and Technology Strategy, liza kubonelela isikolo sikarhulumente ngasinye esinabafundi besiGaba esiPhakathi ngeKhithi yeMathematika, iSayensi neThekhinoloji (Mathematics, Science and Technology Kit).
|
| 1.2 |
Izinto ezikule khithi zingasetyenziswa ekufundiseni ukuze kufikelelwe ngempumelelo kwiziphumo zokufunda kwiinkalo zezifundo zontathu, kwakunye nakwiziphumo zokufunda ezithile kwiinkalo zezifundo ezinxulumeneyo. Le khithi igxininisa kakhulu inkalo yesifundo yeThekhinoloji. |
| 2.1 |
Ukusiwa kwekhithi ezikolweni kuya kuqala ekupheleni kukaFebruwari 2005 kuze kugqitywe ngomhla wama-24 Matshi 2005.
|
| 2.2 |
Kwimeko nganye makube lilungu leKomiti yoLawulo yeSikolo (School’s Management Team (SMT)) elamkela ikhithi ezisiweyo.
|
| 2.3 |
Makulandelwe le nkqubo ilandelayo:
|
| 2.3.1 |
Tshekisha idilesi ebhalwe kwisikhongozeli (container). Yamkela isikhongozeli kuphela xa kubhalwe idilesi yesikolo sakho kwifom yempahla ezizisiweyo (waybill).
|
| 2.3.2 |
Ifom yempahla ezizisiweyo mayisayinwe ize ibhalwe umhla lilungu leSMT lize liprinte igama lalo okanye inombolo yesazisi salo emazantsi kwifom leyo. Makunikwe inombolo yefoni yesikolo ize ifom leyo igximfizwe ngesitampu sesikolo esisemthethweni.
|
| 2.3.3 |
Zingaphelanga iiyure ezingama-72 zokufumana ikhithi ye-MST, makutshekishwe izinto ezingaphakathi kwisikhongozeli kujongwe kuluhlu lwempahla ezisiweyo (inventory list) olungaphakathi kwisikhongozeli. Ukuba zikho zonke izinto yaye zikwimeko entle, ilungu leSMT malibhale oku "Received in good order" phantsi kwesihloko esibhalwe "Comments". Nakuphi na ukungangqinelani okanye umonakalo kwizinto ezizisiweyo makubhalwe kwifom yempahla ezizisiweyo (waybill) phantsi kwesihloko esibhalwe "Comments". Into "eyonakeleyo" (damaged) ingachazwa njengento okanye eplastiki yayo efakwe kuyo echachambileyo/ekrobokileyo/ekrazukileyo.
|
| 2.3.4 |
Ifom yempahla ezizisiweyo mayithunyelwe ngefeksi kulo N. Steenkamp, Supedi kule nombolo yefeksi 011 672 8365 (Johannesburg), ingathunyelwa kwiSebe leMfundo leNtshona Koloni. |
| 3. |
AMALUNGISELELO ASEMVA KOKUZISWA KWEKHITHI
|
| 3.1 |
Emva kokuziswa kwekhithi, inqununu mayiqinisekise ukuba zonke izinto ziyaphawulwa ngokuzibhala igama lesikolo zize zifakwe kuluhlu lweempahla zezikolo (school’s inventory).
|
| 3.2 |
Njengoko ikhithi iza kusetyenziswa ngabo bonke ootitshala kwisiGaba esiPhakathi, kulindeleke ukuba isetyenziswe qho yaye ngenxa yoku ibaluleke kakhulu inkqubo eyiyo yokuyibeka esweni nokuyilawula.
|
| 3.3 |
Ikhithi mayigcinwe kwindawo ekhuselekileyo nefikeleleka ngokulula kootitshala, yaye ilungu leSMT malilawule ukukhutshwa kwezinto zinikwe ootitshala besiGaba esiPhakathi.
|
| 4.1 |
Kuya kukhutshwa ikopi enye yencwadana yemigaqo yokufundisa (teaching manual) ebhalwe ngesiNgesi nange-Afrikansi eya kuhamba nekhithi. Izinto ezintsha ezithengwayo endaweni yezonakeleyo okanye ezinye izinto zekhithi ye-MST zinoku-odolwa ngokusebenzisa iSupedi, zithengwe ngebhajethi ye-LTSM yesikolo. Iinkcukacha zoqhagamshelwano neSupedi zikwincwadana yemigaqo yokufundisa.
|
| 4.2 |
Ngenxa yokunqongophala kwemali, ngutitshala omnye kuphela kwisikolo ngasinye oza kuqeqeshwa ngababoneleli-nkonzo, iSupedi Trust, malunga nokusetyenziswa kwekhithi ukuxhasa impumelelo kwiziphumo zokufunda zemathematika, isayensi nethekhinoloji, kugxininiswa kwithekhinoloji. Kuya kwenziwa iiseshoni zoqeqesho ezimbini kwisithili se-EMDC nganye. Uqeqesho luya kuququzelelwa yi-EMDC nganye, neya kuthi yazise isikolo ngasinye ngeleta ebhaliweyo ukuba siye koluphi na uqeqesho. Izikolo ezikude kakhulu kuzo zombini iindawo zoqeqesho ziya kulufumana uqeqesho kumcebisi ngezekharityhulam weThekhinoloji ngomhla oya kulandela kamva.
|
| 4.3 |
Ziyacelwa iinqununu ukuba zibandakanye uqeqesho ekusetyenzisweni kwezi zinto zokuxhasa ukufunda kwizicwangciso zazo zophuhliso lootitshala besiGaba esiPhakathi.
|
| 4.4 |
E kuhambeni konyaka abacebisi ngezekharityhulam besiGaba esiPhakathi kwi-EMDC baya kunika inkxaso engaphezulu.
|
| 5.1 |
Izikolo ezingayifumananga ikhiti ngomhla wama-24 Matshi 2005 mazinike uNks L. Malan kule nombolo yefeksi 02) 467 2258 okanye ngale dilesi ye-imeyili lymalan@pgwc.gov.za iinkcukacha zazo zoqhagamshelwano.
|
| 5.2 |
Ngokumalunga nayo yonke imibuzo engekhithi nokusetyenziswa kwayo, izikolo maziqhagamshelane nabacebisi ngezekharityhulam okanye beThekhinoloji besiGaba sabaPhakathi abakwii-EMDC.
|
ISebe leMfundo leNtshona Koloni linombono wokuba le khithi iya kwenza konwatyelwe ukufundiswa nokufundwa kwemathematika, isayensi nethekhinoloji, kuze oko komeleze ukuphunyezwa kweRNCS kwelaseNtshona Koloni.
ISAYINWE: NGU-J.P. RAULT-SMITH
INTLOKO: YESEBE LEMFUNDO
UMHLA: 2005:02:23
|