1. Die Suid-Afrikaanse Raad vir Bejaardes beplan sy Ouderdom-in-aksie 50-jaar feesvieringe gedurende 2006 en het versoek dat alle leerders dwarsdeur volgende jaar uitreik na ons senior burgers.
2. As deel van hierdie feesvieringe is die volgende dae geïdentifiseer om ons senior burgers gedurende 2006 te vereer:

  • Week van Ouer Persone in Suid-Afrika, 25 September - 1 Oktober

  • Internasionale Dag vir Ouer Persone, 1 Oktober
  • (Grootouerdag in SA is op die eerste Sondag in Oktober)
3. Die Wes-Kaap Onderwysdepartement ondersteun hierdie inisiatief en prinsipale word versoek om hierdie datums in hulle beplanning vir 2006 in te sluit ten einde respek vir en waardigheid van ons senior burgers te bevorder en aan te moedig.
4. Skole word versoek om betrokke te raak en om ten minste een projek met betrekking tot senior burgers gedurende 2006 te beplan.
5. Die SA Raad vir Bejaardes het ‘n paar voorstelle ter oorweging gemaak:

  • Reël dat seniors die byeenkoms af en toe toespreek

  • Reël ‘n teeparty vir die senior burgers
  • Hou ‘n intergenerasie-pretdag
  • Vestig ‘n kostuin by die skool wat ‘n aantal seniors van groente kan voorsien
  • Reël om hulle fasiliteit te verf, of kikker hulle tuin op, of vestig ‘n nuwe tuin
  • Laat leerders huisgebonde seniors besoek en met hulle skakel
  • Neem-‘n-grootouer-aan
6. Skole word aangemoedig om tot hierdie voorstelle toe te voeg en om die waardering van die jeug vir die onselfsugtige bydrae van ons senior burgers te demonstreer.


GETEKEN: DR SHEPHERD
HOOF: ONDERWYS
DATUM: 2005:10:19