1. Die implementering van die grondslagevaluering van die Geïntegreerde Gehaltebeheerstelsel (GGBS) vir skoolgebaseerde opvoeders is goed onderweg by skole dwarsoor die provinsie. Die Direktoraat Menslike Hulpbronontwikkeling wil graag personeel by al die skole bedank vir hulle entoesiasme en toewyding om te verseker dat die Bestuursplan soos uiteengesit in HRD/0062/2004 geïmplementeer word.
2. Aangesien die Wes-Kaap Onderwysdepartement heeltemal seker wil wees dat alle betrokkenes toegerus is om hierdie belangrike stelsel te implementeer, sal personeel die geleentheid gegee word om 'n finale GGBS-opleidingssessie by te woon.
3. Indien daar dus opvoeders is wat die aanvanklike opleidingsessies misgeloop het of wat ‘n opknappingskursus wil bywoon, kan hulle die GGBS-koördineerder of kringbestuurder by hulle plaaslike onderwysbestuur-en-ontwikkelingsentrum (OBOS) kontak om vir een van die volgende sessies te registreer:
OBOSTEL.DATUMPLEKTYD
Metropool Sentraal 021 659 437026/2Kaaponderwysersentrum09:00-12:00
Metropool Noord 021 938 314123/2OBOS Metropool Noord B114:00-17:00
Metropool Oos 021 900 708023/2Alta du Toit Skool Kuilsrivier14:00-17:00
Metropool Suid 021 370 20003/3Hoofsaal, Lentegeur Hospitaal14:00-17:00
Weskus / Wynland 021 860 156423/2
28/2		Vredendal Noord Primêr
Paarl OBOS-saal		14:00-17:00
Breederivier / Overberg 021 860 15642/3OBOS Breederivier/Overberg, Wocester14:00-17:00
4. Prinsipale en Personeelontwikkelingspanne (POS'e) word weereens daaraan herinner dat hulle moet seker maak dat alle opvoeders ‘n opvoederlys wat ontvangs bevestig van hulle kopie van die GGBS-ondersteuningsmateriaal en bywoning van ‘n GGBS-opleidingsessie, onderteken het. Dit is ‘n integrerende deel van die administratiewe prosesse van die GGBS wat ingevolge Kollektiewe Ooreenkoms 8/23 vereis word.
5. Teen hierdie tyd moes prinsipale en POS’e reeds met hulle kringbestuurders in verbinding getree het rakende prinsipale se evaluering en vir bystand aan die POS met die opstel van die Skoolverbeteringsplan (SVP), gebaseer op die voltooide Persoonlike Groeiplan (PGP) van elke opvoeder.
6. Opvoeders, POS’e en prinsipale word aangemoedig om die WKOD-webtuiste, http://www.hrd.wcape.school.za, te besoek vir die jongste GGBS-nuus, hulpbronne en ander materiaal. Gereelde besoeke aan hierdie webtuiste vir afladingsdoeleindes sal die implementering van die proses op inrigtingvlak vergemaklik.
7. Bring asseblief die inhoud van hierdie minuut onder die aandag van alle betrokkenes.


GETEKEN: L.J. ROSE
HOOF: ONDERWYS
DATUM: 2005:02:17