| 1. |
Die Grondwet van die Republiek van Suid-Afrika, 1996, (Wet 108 van 1996) verskaf 'n raamwerk vir 'n duidelike begrip van basiese menseregte. Dit verskaf ook riglyne vir die praktiese toepassing van daardie regte in die daaglikse lewe. |
| 2. |
Met verwysing na hierdie regte en veral die beskerming van die regte van vroue en kinders, word onderwysinrigtings versoek om spesiale programme te beplan en te ondwikkel wat spesiale vergaderings, praatjies, debatte, byeenkomste en ander aktiwiteite insluit, om uit te loop op en vir die viering van Menseregtedag. |
| 3. |
In ooreenstemming met die premier en die Provinsiale Kabinet se fokus op die jeug vir sosiaal-kapitale ontwikkeling vir 2005, moet hierdie programme dien om leerders te lei en op te voed om die menswaardigheid van andere te respekteer en help om die nodige kennis, vaardighede en waardes te verwerf wat hulle benodig om hulle volle deel by te dra in 'n demokratiese gemeenskap. Hierdie programme kan ook gebruik word om die waardes van die onderwysinrigting en die Wes-Kaapse Onderwysdepartement te bevorder. |
| 4. |
Aangeheg is die eerste in 'n reeks strooibiljette wat deur 'n brosjure gevolg gaan word, aangaande Menseregtedag wat sou kon dien as riglyne om hierdie programme te organiseer. |
GETEKEN: L.J. ROSE
HOOF: ONDERWYS
DATUM: 2005:02:08
|