Die Premier en die Provinsiale Kabinet van die Wes-Kaapprovinsie het die ontwikkeling van die sosiale kapitaal, met spesifieke verwysing na die jeug, van hierdie provinsie as prioriteit vir 2005 gestel. Ter ondersteuning hiervan onderneem die Wes-Kaap Onderwysdepartement (WKOD) die volgende:
Om te streef om te verseker dat leerders in die sisteem bly en nie vroeg skool verlaat nie. Die GEM-projek maak deel uit van hierdie oogmerk Om Seunskampe te reël wat deel vorm van geslagsensitiwiteitsprogramme Om dogters aan te moedig om wiskunde, wetenskap en tegnologie te kies met die oog op loopbaanontwikkeling Om ‘n program te ontwikkel ten einde die vraagstuk betreffende tienerswangerskap aan te roer Om ‘n GEM-geleentheid op provinsiale vlak te reël. Besonderhede hieroor sal later verstrek word
U is sekerlik bewus daarvan dat heelwat seuns en dogters dwarsdeur Suid-Afrika betrokke geraak het by die ‘I am my sister’s keeper’-veldtog sedert die bekendstelling van die GEM-projek in 2003. Baie leerders het reeds voordeel getrek uit die intervensies deur hierdie hardwerkende en toegewyde jong leiers. Ons vertrou dat hulle ook reeds by u skool werksaam was, bv. deur middel van die stigting van ‘n GEM-klub, en dat sommige van hulle steeds by u skool ingeskryf is en die projek daar sal voortsit.
Daar is egter berigte dat die uitsaksyfer onder die jeug as gevolg van sosio-ekonomiese omstandighede aan die toeneem is. Die Nasionale Departement van Onderwys het die provinsies versoek om skole, en spesifiek GEM-lede, te versoek om leerders wat dit oorweeg om skool vroeg te verlaat aan te moedig om in die sisteem te bly. Die ‘I am my sister’s Keeper’-veldtog kan benut word om hierdie aangeleentheid aan te roer. Skole in die Wes-Kaap word dus aangemoedig om hul aandag toe te spits op jeug wat skool vroeg verlaat en om hul eie inisiatief te gebruik ten einde leerders in die sisteem te hou.
Die WKOD is bewus van opvoeders by skole se groot werkslading, maar sal dit hoog op prys stel indien u prioriteit daaraan sal verleen om te verseker dat seuns en dogters wat die risiko loop om skool vroeg te verlaat in die sisteem bly en hul skoolloopbane voltooi.
Ons wil graag hierdie geleentheid gebruik om u ‘n aangename en voorspoedige 2005 toe te wens en om ons dank uit te spreek vir u pogings om ‘n bewustheid van geslagsverwante aangeleenthede by u skool aan te moedig. Ons verseker u ook hiermee van ons voortgesette ondersteuning met betrekking tot al die projekte en programme wat u vir 2005 beplan het.
GETEKEN: L. ROSE
HOOF: ONDERWYS
DATUM: 2005:01:13
|