1. |
Die Wes-Kaapse Onderwysdepartement moedig alle hoofde, skoolbestuursliggame, skoolbeheerliggame, opvoeders, ouers en leerders aan om diensdoende en afgetrede Wiskunde- en Wetenskapopvoeders in hulle gemeenskap vir bogenoemde Agrey Klaaste-toekennings te nomineer.
|
2. |
Die hoofborge vir hierdie toekenningsprogram wat voortreflikheid in die onderrig van hierdie spilvakke erken en beloon, is Telkom en die Sowetan.
|
3. |
Neem asseblief kennis van die volgende belangrike inligting aangaande die nominasieproses:
|
3.1 |
‘n Nominasievorm is by hierdie minuut ingesluit. Fotokopieë van die nominasievorm sal ook aanvaar word.
|
3.2 |
Genomineerdes moet vir een van die volgende drie kategorieë ingeskryf word:
(i) |
Praktiserende opvoeder: VOO-fase (gr 10 –12)
|
(ii) |
Praktiserende opvoeder: AOO-fase (gr 4 – 9)
|
|
3.3 |
Maak asseblief seker dat die nominasievorm korrek ingevul word. Moet asseblief nie enige inligting uitlaat nie.
|
3.4 |
Nomineerders moet die nominasiekriteria op die vorm aanwend om te assesseer of die genomineerde voldoen aan die vereistes vir die toekenningsprogram.
|
3.5 |
Die genomineerde kan ‘n portefeulje voorlę saam met die nominasie, maar dit is nie ‘n vereiste vir die OBOS-beoordeling nie. ‘n OBOS-finalis wat die provinsiale eindronde haal, sal egter ‘n portefeulje moet voorberei.
|
3.6 |
Die sluitingsdatum vir die voorlegging van nominasievorms is 28 Oktober 2005. Voltooide nominasievorms moet gestuur word aan die Hoofkurrikulumadviseur by u OBOS, duidelik gemerk “Vir aandag: Die Hoofkurrikulumadviseur – Toekennings vir die 2005-Opvoeder van die Jaar in Wiskunde, Wetenskap en Tegnologie”.
|
4. |
Die provinsiale wenners in die drie kategorieë sal vorder tot by die nasionale eindronde, wat op 25 Maart 2006 in Johannesburg gehou sal word.
|
5. |
Verwys asseblief na die agterkant van die nominasievorm vir ‘n verduideliking van die pryse wat op provinsiale en nasionale vlak gewen kan word..
|
6. |
Vir verdere inligting skakel u Kurrikulumadviseur vir Wetenskap en Wiskunde by u OBOS, of die Provinsiale Koördineerder: Gavin de Bruyn by 021 467 2575 of by e-posadres gdebruyn@pgwc.gov.za
|
7. |
U ondersteuning en bystand vir die erkenning en beloning van die pogings van opvoeders sal waardeer word. |
GETEKEN: E.D. KIRSTEN
HOOF: ONDERWYS
DATUM: 2005:09:06
|