| 1. |
Die Nasionale Onderwystoekennings erken voortreflikheid en ‘n hoë graad van professionalisme, en voorsien die onderwyskorps van die geleentheid om die prestasies van uitmuntende opvoeders te vier. Die toekennings plaas voorts die kollig op die buitengewone werk wat oor die algemeen deur opvoeders verrig word. Die Wes-Kaap Onderwysdepartement is dus trots om die provinsiale toekenningsgeleentheid vir die Nasionale Onderwystoekennings aan te bied en te organiseer. |
| 2. |
Die onderskeie kategorieë van toekennings is soos volg:
Uitnemendheid in vroeëkindontwikkeling
Uitnemendheid in Laerskoolonderrig
Uitnemendheid in Sekondêreskoolonderrig
Uitnemendheid in Leierskap op Primêre Vlak
Uitnemendheid in Leierskap op Sekondêre Vlak
Uitnemendheid in spesialeonderwysbehoeftesonderrig
Uitnemendheid in Basiese Volwesseneonderrig
Lewenslangeprestasietoekenning
|
| 3. |
Daar sal ook monetêre toekennings aan skole wees waarby klusterwenners, provinsiale wenners en nasionale wenners skoolhou. |
| 4. |
Alle opvoeders word uitgenooi om aan hierdie proses deel te neem deur nominasies (kriteria en formaat aangeheg) by hulle prinsipale of sentrumbestuurders in te dien, wat die vorms aan hulle onderskeie onderwysbestuur-en-ontwikkelingsentrums (OBOS'e) sal stuur. Skakel asseblief met een van die volgende OBOS-koördineerders indien u meer inligting verlang:
Suid-Kaap/Karoo: Fernholdt Galant 021 713 2928
Breederivier/Overberg: Edward Johannes en Japie Bailey 028 254 9173
Weskus/Wynland: JA Mouton en Michael le Cordeur 022 482 1383
Metropool-Suid: Bernard Daniels en Karen Dudley 021 370 2000
Metropool-Oos: Philip Saunders en Nelson Mama 021 903 1729
Metropool-Noord: Martie Bekker 021 938 3003
Metropool-Sentraal: Alton Koense 021 659 4375
|
| 5. |
Nominasievorms en meer inligting kan afgelaai word van die webblad van die Direktoraat: Menslikehulpbronontwikkeling by Human Resource Development (http://www.hrd.wcape.school.za). |
| 5. |
Bring asseblief die inhoud van hierdie minuut onder die aandag van al u personeellede. |
GETEKEN: L.J. ROSE
HOOF: ONDERWYS
DATUM: 2005:04:05
|