| 1. |
Alle leerderverskuiwings in die SOBIS-databasis kan slegs goedgekeur en amptelik erken word deur die gebruik van die gestandaardiseerde sertifikaat.
|
| 2. |
Die SOBIS-oorplasingsertifikaat kan die volgende akkommodeer:
|
| 2.1 |
Oorplasing: Uit- of Deregistrasie op die eerste deel van die sertifikaat word deur die prinsipaal of gedelegeerde amptenaar ingevul. Die eerste deel word deur die prinsipaal onderteken.
|
| 2.2 |
Oorplasing: In- of Herregistrasie op die tweede deel word bepaal deur waarvoor die eerste deel van die sertifikaat gebruik is. Die Oorplasing: Die In-deel word deur die skool ingevul wat die leerder ontvang en word deur daardie skool se prinsipaal onderteken.
|
| 3. |
Invul van die sertifikaat
|
| 3.1 |
Die sertifikaat kan ingevul word deur dit in ‘n drukker te plaas en direk van die AANLYN SOBIS-databasis af te druk nadat die oorplasing aanlyn verwerk is; of
|
| 3.2 |
Die sertifikaat kan per hand ingevul word, in welke geval die oorplasing steeds daarna aanlyn verwerk moet word.
|
| 4. |
Nadat die 2005-bevorderings en -vorderings op die SOBIS-databasis afgehandel is, moet alle leerders wat na ‘n ander skool oorgeplaas word die Oorplasing: Uit-sertifikaat ontvang om hulle in staat te stel om na die nuwe skool oorgeplaas te word.
|
| 5. |
Sekuriteit van hierdie amptelike sertifikate
|
| 5.1 |
Die ontwerp van die oorplasingsertifikate beslaan elf ingeboude sekuriteitseienskappe ten einde ongemagtigde afdrukke te voorkom. Slegs die oorspronklike dokumente sal aanvaar word wanneer leerders tussen skole beweeg.
|
| 5.2 |
Die sertifikate is genommer en elke skool word van bepaalde nommers voorsien wat teruggevoer kan word na die skool wat dit uitgereik het. Enige sertifikaat kan direk met ‘n bepaalde skool verbind word.
|
| 5.3 |
Die prinsipaal moet seker maak dat die sertifikate veilig bewaar word voor uitreiking. Nadat die sertifikaat uitgereik en op die SOBIS-databasis verwerk is, sal daar ‘n rekord en geskiedenis van die sertifikaat bestaan.
|
| 5.4 |
Die ontvangende skool moet die ingevulde Oorplasing: In veilig bewaar in ‘n rekord wat op enige tydstip vir ouditering beskikbaar moet wees.
|
| 6. |
Skakel asseblief met die Direktoraat: Onderwysnavorsing, A. Noordien by (021) 467 2289 met betrekking tot die gebruik en veilige bewaring van die oorplasingsertifikate.
|
| 1. |
Die registrasievorms word gebruik om leerders te registreer wat nog nie op die SOBIS geregistreer is nie. Leerders wat vir die EERSTE KEER registreer is hoofsaaklik pre-primêre leerders, graad 1-leerders wat nie ‘n pre-primêre program bygewoon het nie, leerders vanuit ‘n ander provinsie of land, of leerders wat nie in ‘n openbare gewonde skool in 2005 was nie en wie se besonderhede dus nog nie op die SOBIS-databasis verwerk is nie.
|
| 2. |
Maak asseblief seker dat leerders wat om nuwe registrasie aansoek doen nie by ‘n ander skool geregistreer is nie, deur om ‘n oorplasingsertifikaat aansoek te doen. (Geen leerder wat in 2005 in ‘n openbare gewone skool was, mag op die SOBIS geregistreer word sonder die oorspronklike Oorplasingsertifikaat van die vorige skool nie.)
|
| 3. |
Maak asseblief afskrifte van die vorms indien u meer vorms benodig as wat voorsien is.
|
| 4. |
Vul asseblief die vorm in voordat die leerder op die SOBIS se aanlyn- of aflynsagteware verwerk word.
|
| 5. |
Die behoorlik ondertekende en ingevulde vorm moet in die leerder se skooladministrasieportefeulje geliasseer word. Hierdie vorms kan aangevra word gedurende leerdertaloudits.
|
| 6. |
AANTEKENINGE met betrekking tot die invul van die vorms
|
| 6.1 |
Indien die adres nie ‘n straatadres is nie, skryf asseblief die betrokke woord, bv. PLOT, FARM, FLAT in die vier blokkies langs 8a neer.
|
| 6.2 |
Vraag 11 het ‘n moontlikheid 11 beskikbaar vir die aanlynstelsel. Indien u die inligting in die aflynstelsel verwerk, gebruik dieselfde reël wat van toepassing was gedurende die sensusopname, waar 10 ingevul moes word en slegs H in die reël daaronder.
|
| 6.3 |
Vraag 22 het moontlikheid = geen beskikbaar vir die aanlynstelsel om aan te dui dat die leerder nie ‘n gebrek het nie. In die aflynstelsel word hierdie vraag oop gelos.
|
| 6.4 |
Vraag 26. Voorsiening is op die aanlynstelsel gemaak vir ‘n geval waar die leerder meer as een taal as primêre taal aanbied. Indien die leerder ‘n tweede primêre taal aanbied, skryf slegs die kode vir die vak in die laaste twee blokkies aan die regterkant van die reël neer. Die aflynstelsel gebruik dieselfde reëling as wat gedurende die sensusverwerkingstydperk in 2005 van toepassing was.
|
Dankie vir u samewerking en geduld. Die suksesvolle instelling van hierdie nuwe stelsel kon nie sonder u ondersteuning en raad geskied het nie. Ons behoort binnekort van die grootste voordele waar te neem wat hierdie stelsel veronderstel is om aan almal wat by onderwys betrokke is, te bied.
Indien u enige navrae het, skakel asseblief met u SOBIS-streeksverteenwoordiger of met die Direktoraat: Onderwysnavorsing by 021 467 2290 of 021 467 2289.
GETEKEN: P. PRESENT
HOOF: ONDERWYS
DATUM: 2005:11:18
|