| 1. |
Die Wes-Kaap Onderwysdepartement (WKOD) sal weer gedurende Oktober en November 2005 die vlakke van geletterdheid en syfervaardigheid van die Graad 6-leerders in die provinsie navors.
|
| 2. |
Die Graad 6-assessering het ten doel om die vlakke van geletterdheid en syfervaardigheid te meet en om die vordering en bereiking van goeie standaarde van geletterdheid en syfervaardigheid te kontroleer. Hierdie assessering sal ook ‘n remediërende funksie hê en sal die WKOD help met die beplanning van ondersteuning en ontwikkelingswerk by skole.
|
| 3. |
Die Graad 6-assesseringstoets sal gebaseer word op die standaarde soos uiteengesit is in die WKOD Teikenstandaarde van Geletterdheid en Syfervaardigheid en die Hersiene Nasionale Kurrikulumverklaring (HNKV).
|
| 4. |
Voorbereidings het begin en alle skole met Graad 6-leerders sal mettertyd in kennis gestel word van die prosedure en ander administratiewe besonderhede.
|
| 5. |
Die inhoud van hierdie minuut moet onder die aandag van alle betrokkenes en veral die graad 6-onderwysers gebring word.
|
| 6. |
Enige navrae rakende die inhoud van hierdie minuut moet gerig word aan dr RS Cornelissen by telefoonnommer 021 467 2286 of e-pos rcornelissen@pgwc.gov.za.
|
U samewerking sal waardeer word.
GETEKEN: P. PRESENT
HOOF: ONDERWYS
DATUM: 2005:07:12
|