1. Verwys asseblief na Omsendbrief 0031/2004 van 23 Junie 2004.
2. Ingevolge die Aansporingsbeleidsraamwerk vir salarisvlakke 1 tot 12, kom alle werknemers op hierdie vlakke in aanmerking vir salarisvordering tot die maksimum kerf van ‘n salarisvlak wat aan hul poste gekoppel is op voorwaarde dat hy of sy
(a) 1 jaar aaneenlopende diens op sy of haar (relatiewe) kerf op 31 Maart van die jaar voltooi het,
(b) ‘n prestasie-aanslag van minstens "aanvaarbaar" vir die betrokke tydperk, ingevolge die Personeelprestasiebestuur-en-ontwikkelingstelsel (PPBOS) ontvang het.
3. Ten einde te verseker dat salarisvordering vir Julie 2005 aan alle kwalifiserende staatsdienspersoneellede toegeken word, moet toesighouers/lynbestuurders die volgende dokumente wat in oorleg met elke kwalifiserende personeellid voltooi is, indien :
3.1 ‘n Individuele Prestasieplan (Bylae A)
3.2 'n Individuele Ontwikkelingsplan (Bylae B)
3.3 Twee Prestasie-oorsiginstrumente (Bylae C) vir die tydperk 1 Oktober 2004 tot 31 Maart 2005
3.4 ‘n Prestasie-assesseringsinstrument (Bylae D) met betrekking tot die tydperk 1 April 2004 tot 31 Maart 2005
3.5 ‘n Prestasiesertifikaat (sien die aangehegte Bylae E)
4. ‘n Verslag van kritiese insidente of ‘n kort motivering moet ingedien word saam met die dokumente van elke werknemer wat ‘n algehele aanslag van 4 of 5 of minder as 3 het.
5. ‘n Werknemer wat ‘n algehele aanslag van 4 of 5 het, kan nie ‘n aanslag van minder as 3 vir enige van sy/haar individuele prestasie-uitsette hê nie.
6. ‘n Prestasieverbeteringsplan (PVP) word ook versoek ten opsigte van enige werknemer met ‘n algehele aanslag van 2.
7. Al die bogenoemde voltooide en getekende Bylaes A tot E en enige ondersteunende dokumentasie moet teen nie later nie as 31 Julie 2005 ingedien word vir die aandag van die Prestasiebestuursbeampte, Direktoraat Personeelbestuur (Staatsdienspersoneel), Kamer 10-11, Wes-Kaap Onderwysdepartement, Privaatsak X9114, Kaapstad, 8000. Enige voltooide bylaes wat alreeds ingehandig is, hoef nie weer ingehandig te word nie.
8. Hierdie is die eerste jaar dat salarisvordering in werking sal tree na voltooiing van ‘n algehele assessering ingevolge die PPBOS. Geen salarisvordering sal toegeken word aan staatsdienspersoneellede wat nie aan ‘n volledige PPBOS-assessering onderwerp is nie.
9. Enige verdere navrae rakende salarisvordering kan gerig word aan WKOD se Inbelsentrum by bogenoemde telefoonnommer of aan die volgende beamptes te Hoofkantoor:
B Bestenbier Tel. 021 467 2433  e-posadres: bbestenbier@pgwc.gov.za
WVC Klein    Tel. 021 467 2431  e-posadres: wklein@pgwc.gov.za
RT Manasse   Tel. 021 467 2426  e-posadres: tmanasa@pgwc.gov.za
10. Bring asseblief die inhoud van hierdie omsendbrief onder die aandag van alle staatsdienspersoneel onder u beheer.


GETEKEN: J.H. HURTER
HOOF: ONDERWYS
DATUM: 2005:07:05

Bylae E  (grootte: 17 KB)