| 1. |
Die WKOD het in Personeelbestuursminuut 14/2005 van 8 September 2005, versoek dat alle dokumentasie wat volgens die PPBOS vir bogenoemde personeel voltooi moet word, naamlik Bylaes A tot E en, waar nodig, gepaste motivering, teen 21 September 2005 ingedien moet word.
|
| 2. |
Tans is 35% van die betrokke personeel se dokumente steeds uitstaande wat beteken dat die oorweging van prestasiebelonings vir staatsdienspersoneel (vlakke 1 tot 12) in die WKOD vertraag word. |
| 3. |
‘n Finale keerdatum van 21 Oktober 2005 is nou gestel vir die indiening van gemelde dokumentasie. Werknemers wie se dokumente dan nog nie ontvang is nie, sal nie oorweeg word vir die toekenning van ‘n moontlike prestasiebonus nie. |
| 4. |
U samewerking en toepassing van die keerdatum sal op prys gestel word, aangesien geen verdere uitstel verleen sal word nie.
|
| 5. |
Alle staatsdienspersoneel onder u toesig moet asseblief van die inhoud van die minuut in kennis gestel word. |
GETEKEN: JH HURTER
HOOF: ONDERWYS
DATUM: 2005:10:07
|