1. Ingevolge die Aansporingsbeleidsraamwerk vir salarisvlakke 1 tot 12, kom werknemers wat volgens ‘n volledige PPBOS-asessering, prestasieaanslae van 4 (Prysenswaardig) en 5 (Uitstaande) behaal het in aanmerking om oorweeg te word vir ‘n prestasiebonus, indien ‘n departement oor genoegsame fondse beskik en op voorwaarde dat die werknemer wat oorweeg word teen 31 Maart ‘n volle jaar diens voltooi het op sy of haar besondere salariskerf.
2. Vir die PPBOS van 2004/2005 is die WKOD in ‘n posisie om kontantbonusse van 5% as aansporing vir aanslae van Prysenswaardig en 9% vir aanslae van Uitstaande toe te ken.
3. Vanselfsprekend laat die begroting nie toe dat elkeen wat in hierdie kategorieë sal kwalifiseer nie. Die WKOD strewe daarna om sy beste werknemers te beloon, wat inderdaad bydra tot die verbetering van dienslewering. Na verwagting sal slegs 20% van personeellede bo Bevredigend presteer, naamlik – 15% presteer Prysenswaardig en 5% Uitstaande.
4. Ten einde eenvormigheid en regverdigheid binne die departementele administratiewe prosesse te verseker, is ‘n modereringsproses vir middel-Oktober tot middel-Desember 2005 geskeduleer.
5. Daar word van lynbestuurders verwag om enige aanslae onder én bo Aanvaarbaar te regverdig en die volgende dokumentasie vir die relevante staatsdienspersoneellede moet ingedien word:
5.1 ‘n Individuele Prestasieplan (Bylae A)
5.2 ‘n Individuele Ontwikkelingsplan (Bylae B)
5.3 Twee Prestasie-oorsiginstrumente (Bylae C) vir die periode 1 Oktober 2004 to 31 Maart 2005
5.4 ‘n Prestasiebeoordelingsinstrument (Bylae D) vir die periode 1 April 2004 to 31 Maart 2005
5.5 ‘n Motivering wat die werknemer se prestasie na vore bring, as bo Aanvaarbaar teenoor elke hoofdoelwit of sleutelprestasiearea, moet ingedien word tydens die PPBOS- siklus 1 April 2004 tot 31 Maart 2005 . (Sien Aanhangsel I) ‘n Prestasieverbeteringsplan (PVP) moet ook ingedien word vir werknemers wie se aanslae grensgevalle of onaanvaarbaar is.
6. Al die bogenoemde voltooide en getekende Bylaes A tot D en enige ondersteunende dokumentasie moet teen nie later nie as 21 September 2005 ingedien word vir die aandag van die Prestasiebestuursbeampte, Direktoraat Personeelbestuur (Staatsdienspersoneel), Kamer 10-11, Wes-Kaap Onderwysdepartement, Privaatsak X9114, Kaapstad, 8000. Enige voltooide bylaes wat alreeds ingehandig is, hoef nie weer ingehandig te word nie – solank as wat die vorms behoorlik voltooi en onderteken is. Insgelyks is dit nie nodig om addisionele motivering ingevolge die nuwe formaat te verskaf nie (aangehegte Aanhangsel I) indien u van opinie is dat al die hoofdoelwitte in die motivering wat reeds ingelewer is ter ondersteuning van die aanslae voldoende gedek is.
7. Enige verdere navrae kan gerig word aan WKOD se Inbelsentrum by bogenoemde telefoonnommer of aan die volgende beamptes te Hoofkantoor:
Mnr B Bestenbier e-posadres: bbestenbier@pgwc.gov.za
Mnr WVC Klein e-posadres: wklein@pgwc.gov.za
Mnr RT Manasse e-posadres: tmanasa@pgwc.gov.za
8. U samewerking en steun tot die bereiking van keerdatums word hoog op prys gestel.
9. Bring asseblief die inhoud van hierdie omsendbrief onder die aandag van alle staatsdienspersoneel onder u beheer.


GETEKEN: G.J. ELLIOTT
HOOF: ONDERWYS
DATUM: 2005:09:08

Aanhangsel I  (grootte: 8 KB)