| 1.1 |
Bylae E, wat in bogenoemde minuut genoem word en wat deel vorm van die stel dokumente wat jaarliks ingevolge die PPBOS ten opsigte van elke Staatsamptenaar voltooi moet word, het slegs op salarisvordering per kerf (pay progression) betrekking.
|
| 1.2 |
Die toekenning van `n prestasiebonus geskied op grond van die uitslag van die totale aanslag wat `n werknemer behaal na afloop van `n volle jaar waaroor evaluering plaasgevind het.
|
| 1.3 |
Alhoewel die twee aspekte deel van die algehele proses is, kan voordele afsonderlik van mekaar toegestaan word en daar is gevolglik besluit om die voordele van salarisvordering per kerf (pay progression) toe te staan in gevalle waar Bylae E-vorms ontvang is en `n aanslag van ten minste Bevredigend toegeken is. Prestasiebonusse daarenteen, sal eers toegestaan kan word nadat moderering van alle verslae plaasgevind het.
|
| 1.4 |
Dit is verder belangrik om daarop te let dat in gevalle waar daar byvoorbeeld op Bylae E aangedui word dat `n persoon Prysenswaardig of Uitstaande presteer, die vorm aanvaar sal word vir die doeleindes van salarisvordering per kerf (pay progression), maar nie vir prestasiebonusdoeleindes nie, omdat die res van die verslag eers aan moderering onderworpe sal wees voordat `n finale puntetoekenning gemaak kan word.
|
| 1.5 |
Die finale datum vir die indiening van alle Bylae E-vorms is uitgestel tot 31 Augustus 2005.
|
| 2. |
U word versoek om asseblief die inhoud van hierdie minuut dringend onder die aandag van al die personeel onder u beheer te bring.
|
GETEKEN: G.J. ELLIOTT
HOOF: ONDERWYS
DATUM: 2005:08:12
|