1. Resolusie 2 van 2005, wat betrekking het op die salarisvordering van opvoeders wat binne die kwalifiserende tydperk van 1 Julie 1996 tot 30 Junie 2002 val, is onderteken en het van krag geword op 11 Maart 2005.
2. Ingevolge hierdie Resolusie sal alle opvoeders wat binne die kwalifiserende typdperk van 1 Julie 1996 tot 30 Junie 2002 val, ‘n algehele salarisaanpassing van tot 3% ontvang. Hierdie aanpassing sal geïmplementeer word deur middel van kerfverhogings en/of ‘n eenmalige kontantbonus.
3. Ingevolge die Resolusie moes die opvoeder ‘n diensdoende opvoeder gewees het op 1 Julie 2004 en moes die opvoeder ten minste vir 24 opeenvolgende maande se aaneenlopende of ononderbroke diens gelewer het gedurende die tydperk 1 Julie 1996 to 30 Junie 2002 ten einde vir ‘n aanpassing van 1% ten opsigte van elke 24 aaneenlopende maande se diens tot 30 Junie 2002 in aanmerking te kom.
4. Dit moet in gedagte gehou word dat opvoeders wat diens verlaat het na 1 Julie 2004 ook vir die salarisaanpassing in aanmerking kom. As gevolg van hierdie Resolusie moet alle vorige betalings hersien word ten einde die betalings gemaak en ontvang te herbereken. Dit sluit in die jaarlikse bonus, pensioenvoordele, verlofgratifikasie, langdienstoekennings, ens., sowel as aftrekkings met betrekking tot die “Geen werk, geen betaling”-reël.
5. Die regstreekse 3%-kerfverhogings is van toepassing op werknemers wat in dieselfde pos en op dieselfde salarisvlak was vir die tydperk 1 Julie 1996 tot 30 Junie 2002. ‘n Opvoeder wat byvoorbeeld op 1 Januarie 1995 aangestel is as ‘n posvlak 1-opvoeder/DH/prinsipaal/HOS en wat steeds op dieselfde pos- en salarisvlak is, se salaris soos op 1 Julie 2004 sal met drie kerwe verhoog word met ingang van 1 Julie 2004.
6. Die 3%-kerfverhoging soos hierbo uiteengesit, is egter nie van toepassing op ‘n opvoeder wat reeds die maksimum van sy of haar salarisskaal (dit wil sê kerf 16) betaal word nie, en so ‘n opvoeder sal slegs vir ‘n kontantbonus in aanmerking kom. ‘n Opvoeder op kerf 14 van sy of haar salarisskaal sal 2 kerwe ontvang en ‘n kontantbonus van 1% en ‘n opvoeder op kerf 15 sal 1 kerf en ‘n kontantbonus van 2% ontvang.
7. Opvoeders wat gedurende die tydperk 1 Julie 1996 tot 1 Juie 2004 bevorder is, sal soos volg hanteer word:

  • Vir elke 24 maande se ononderbroke of aaneenlopende diens gedurende die tydperk 1 Julie 1996 tot 30 Junie 2002 voor die datum van die laaste bevordering, sal die opvoeder ‘n kontantbonus van 1% ontvang; en

  • vir elke 24 maande se ononderbroke of aaneenlopende diens gedurende die tydperk 1 Julie 1996 tot 30 Junie 2002 na die datum van die laaste bevordering, sal die opvoeder vir ‘n kerfverhoging in aanmerking kom.
8. Die kontantbonus word soos volg bereken: 
Aantal maande x	 1  x Salariskerf soos op 1 April 2005 x 9	   
     24         100	 	        12
9. Die WKOD identifiseer en korrigeer tans die salarisse van opvoeders wat nie die voordeel van die agterstand in salarisse ontvang het toe die aanpassing programmaties op PERSAL aangebring is nie.
10. Bring asseblief die inhoud van hierdie omsendbrief onder die aandag van alle opvoeders in u inrigting/kantoor/direktoraat, insluitende diegene op verlof, en laat hulle ontvangs daarvan erken deur dit te onderteken en dateer.
11. Prinsipale moet seker maak dat ‘n afskrif van hierdie omsendbrief aan die voorsitter van die Skoolbeheerliggaam oorhandig word vir kennisname.


GETEKEN: J.H. HURTER
HOOF: ONDERWYS
DATUM: 2005:07:07