1. Die Wes-Kaap Onderwysdepartement (WKOD) se webblad bied nou ook aan hoofde van onderwysinrigtings 'n selfverduidelikende en gebruikersvriendelike konsepvakaturelysdatabasis wat hulle in staat sal stel om foute in geadverteerde vakatures te korrigeer, advertensies by te voeg, en om ander data, byvoorbeeld foutiewe skooladresse reg te stel.
2. Die lys sal oor die tydperk 15 Februarie 2005 tot 23 Februarie 2005 oop wees vir regstellings/byvoegings. Verwys asseblief na Personeelminuut (Opvoeders) 0008/2004 van 31 Desember 2004.
3. Toegang tot hierdie fasiliteit kan soos volg verkry word:

  • Gaan na die WKOD-webtuiste: http://wced.wcape.gov.za

  • Gaan na At your service

  • Kliek op Administrators

  • Kliek op Draft Vacancy List

  • Aanmeldskerm verskyn

  • Tik gebruikers-ID in (Obis-[Emis) nr.]

  • Tik wagwoord (Pin) in

  • Kliek op execute

  • Maak Personnel Management Menu oop

  • Kliek op Draft Vacancy List
4. Ons herinner u daaraan dat die WKOD se webwerf 'n diens lewer aan werklose opvoeders wat poste soek en aan skole wat kontrakopvoeders benodig. Dit dien ook as 'n instrument waarmee die aanstellingsproses gemonitor word. (Sien Minuut 0001/2004 van 10 Maart 2004 in hierdie verband.)
5. Daar word weereens ‘n beroep op veral skoolhoofde gedoen om gebruik te maak van hierdie webbladsy en sodoende onnodige telefoniese navrae uit te skakel.


GETEKEN: J.H. HURTER
HOOF: ONDERWYS
DATUM: 2005:02:14