1. Die Wes-Kaap Onderwysdepartement (WKOD) het besluit om twee vakaturelyste vir 2006 uit te reik. Vakaturelys 1/2006 sal bevorderingsposte (insluitende prinsipaalsposte) bevat terwyl Vakaturelys 2/2006 advertensies vir posvlak 1- en bevorderingsposte (insluitende prinsipaalsposte) sal bevat.
2.

Prinsipale en beheerliggame moet asseblief verseker dat advertensies elektronies voltooi word op die konsepvakaturelys wat op die WKOD se Webwerf beskikbaar sal wees by http://wced.wcape.gov.za. Advertensies kan slegs elektronies ingedien word en gevolglik sal geen advertensievorms in harde kopie aanvaar word nie. Prinsipale moet hul kringbestuurders raadpleeg indien hulle probleme sou ondervind met die invul van die advertensies op die konsepvakaturelys op die Webwerf. Verwys asseblief na Omsendbrief 0010/2005 van 18 Julie 2005 (afskrif aangeheg) in hierdie verband. Prinsipale wat nie toegang tot die Webwerf kan verkry nie moet asseblief hul kringbestuurders skakel.

Die aanstellingsvereistes en prosedures met betrekking tot die vul van poste sal in die toepaslike vakaturelys aangedui word. Die aandag word ook gevestig op die belangrike veranderinge aan die prosedures met betrekking tot die vul van poste, naamlik die Beleidimplementeringsdirektief vir Voldoening aan die Werksgelykheid by Onderwysinrigtings en artikel 6.3 van die Wet op Indiensneming van Opvoeders, 1998 (Wet 76 van 1998), wat eersdaags hersien sal word en wat skoolbeheerliggame in staat stel om drie nominasies in voorkeurorde in te dien. Hierdie voorskrifte sal onder dekking van aparte omsendbriewe uitgereik word.


3.

Die volgende tabel dui die beoogde datums van publikasie en ander belangrike datums aan:

AksieVakature lys 
 Vakature lys 1/2006Vakature lys 2/2006
 SLEGS bevorderingsposte (prinsipaalsposte ingesluit) Posvlak 1- en bevorderingsposte (prinsipaalsposte ingesluit)
WKOD open die elektroniese vakaturelys vir inrigtings teen25 Januarie 200610 Mei 2006
Prinsipale moet vakatures op Webwerf vaslê:
SLUITINGSDATUM
8 Februarie 200624 Mei 2006
Kringbestuurders moet advertensies nagaan en verifieer teen15 Februarie 20067 Junie 2006
WKOD moet vakaturelys druk en uitreik teen1 Maart 200617 Julie 2006
Opvoeders dien hulle aansoeke om geadverteerde poste in
SLUITINGSDATUM VIR ONTVANGS VAN AANSOEKE:
22 Maart 200611 Augustus 2006
WCED to send applications to schools by12 April 20068 September 2006
Skoolbeheerliggame moet nominasies by WKOD indien:
SLUITINGSDATUM
10 Mei 200613 Oktober 2006
WKOD moet nominasies goedkeur teen31 Mei 200624 November 2006
Datum van Aanstelling:1 Julie 20061 Januarie 2007

4. Ten einde die gladde inwerkingtrede van die bovermelde proseduriële veranderings te verseker, sal die WKOD eers die bevorderingsposte (ingesluit prinsipaalsposte) (Vakaturelys 1/2006) en daarna die posvlak 1-poste (Vakaturelys 2/2006) adverteer. Hierdie benadering wyk af van die vorige werkswyse. Die nuwe benadering het die volgende voordele:
  • Al die belanghebbendes sal ‘n meer hanteerbare aantal poste kan prosesseer terwyl hul terselfdertyd die kennis en vaardighede sal ontwikkel wat nodig is om die veranderings te implementeer. Hierdie veranderings behels die twee inisiatiewe wat tegelykertyd geïmplementeer moet word: die Beleidimplementeringsdirektief vir Voldoening aan die Werksgelykheid by Onderwysinrigtings en artikel 6.3 van die Wet op Indiensneming van Opvoeders, 1998 (Wet 76 van 1998), wat eersdaags hersien sal word.

  • Wanneer alle belanghebbendes met hierdie vereistes bekend is, sal hul in ‘n beter posisie wees om die posvlak 1-poste te hanteer wat normaalweg die meerderheid geadverteerde poste uitmaak.

  • Gegewe die feit dat die vul van bevorderingsposte normaalweg posvlak 1-poste vakant laat, maak dit meer sin om die posvlak 1-vakatures na die bevorderingsposte te vul. Beide die skole en die WKOD sal dan weet welke posvlak 1-poste vakant geword het as gevolg van die vul van bevorderingsposte. In die verlede moes tydelike opvoeders aangestel word in hierdie vakatures, hangende die uitreiking van die daaropvolgende vakaturelys.

  • Die WKOD is verbind daartoe om alle moontlike prosedures te ondersoek ten einde alle vakante poste permanent te vul, ook met die oog daarop om werksekerheid met die gepaardgaande stabiliteit en die toekenning van voordele aan opvoeders te verleen. Die mening is dat hierdie benadering die aantal tydelike opvoeders in die stelsel sal laat afneem, veral in posvlak 1-poste.

  • Die advertering van posvlak 1-poste in die middel van die jaar sal ook finalejaarstudente die geleentheid bied om vir poste vir die volgende jaar aansoek te doen.

5. Die WKOD onderneem om, behalwe as daar buitengewone omstandighede is, by bostaande sperdatums te hou. Spesiale rëelings sal getref word om te verseker dat die sperdatums binne die verantwoordelikheidsfeer van die WKOD nagekom word. Om egter hierdie onderneming gestand te doen, is dit van kardinale belang dat ander rolspelers saamwerk en by die onderskeie sperdatums hou. In hierdie verband word veral verwys na die sluitingsdatum vir die insleuteling van advertensies en vir die ontvangs van benoemings deur skoolbeheerliggame.
6. Die WKOD beskou die advertering en vul van opvoedersposte as ‘n baie belangrike prosedure. Poste kan dus nie geadverteer word en dan nie gevul word nie as gevolg van skoolbeheerliggame of prinsipale se nalatigheid om benoemings betyds in te dien. Geadverteerde poste wat nie gevul word nie skep ‘n onaanvaarbare onstabiliteit in skole en die WKOD beskou sulke situasies in ‘n baie ernstige lig. Die WKOD is vasbeslote om te verseker dat geadverteerde poste volgens die skedule vervat in paragraaf 3 hierbo gevul word.

Daar is derhalwe besluit dat indien nominasies nie volgens die geskeduleerde tye ingedien word nie, Hoofstuk 3, artikel 6.3(d) van die Wet op die Indiensneming van Opvoeders, 1998 waarvolgens aanstellings in poste (alle vlakke) sonder die aanbeveling van die beheerliggame gemaak word, toegepas sal word.

7. Die WKOD se onderneming moet gesien word as ‘n poging om hierdie belangrike taak binne die wetlike en arbeidsvoorskrifte en tot voordeel van almal te bestuur.
8. Die samewerking van alle betrokkenes sal die suksesvolle bestuur van hierdie belangrike taak verseker en sal hoog op prys gestel word.


GETEKEN: R.B. SWARTZ
HOOF: ONDERWYS
DATUM: 2005:12:02