1. U word vriendelik verwys na Omsendminuut DPE/0006/2004 gedateer 18 Mei 2004 waarin die beleid en maatreėls met betrekking tot die Staat se Langdienserkenningstelsel uiteengesit word. Die voormelde beleid en maatreėls is steeds van krag.
2. Alle hoofde van inrigtings en/of toesighouers word versoek om die voltooide oorspronklike Bylae A teen nie later nie as 15 Oktober 2005 aan die WKOD te voorsien. Indien daar volgens departementele rekords (Persal) gevind word dat ‘n werknemer wel 20 of 30 jaar aaneenlopende diens gelewer het en sodanige werknemer versuim om die nodige Bylae A teen die voormelde datum in te dien, sal daar aanvaar word dat die werknemer nie daarin belangstel om sy/haar verlof te laat verdiskonteer nie. Let daarop dat geen fakse of afskrifte aanvaar sal word nie. Slegs die aangehegte vorm wat in die aansoeker se eie handskrif en in ink voltooi is, sal geprosesseer word. Maak asseblief seker dat u nie vorige weergawes van Bylae A gebruik nie aangesien dit nie in ooreenstemming met Resolusie 6/2003 is nie.
3. U stiptelike reaksie as hoof van die inrigting/toesighouer sal op prys gestel word. Laat aansoeke sal ongelukkig eers gedurende 2006 geprosesseer kan word.


GETEKEN: JH HURTER
HOOF: ONDERWYS
DATUM: 2005:09:22

Bylae A  (grootte: 13 KB)