| 1. |
Die Wes-Kaap Onderwysdepartement (WKOD) bevestig hiermee dat Vakaturelys No 2/2005, waarin vakante opvoedersposte by onderwysinrigtings geadverteer word, sedert Vrydag, 5 Augustus 2005 op sy Webtuiste by http://wced.wcape.gov.za (klik op Quick Links en dan Vacancy List) beskikbaar is.
|
| 2. |
Die oorspronklike publikasiedatum, 29 Julie 2005, van Vakaturelys 2/2005 soos bekend gemaak in Omsendminuut 0010/2005 kon ongelukkig en tot groot teleurstelling van die WKOD, nie gehaal word nie omrede 'n groot aantal skole nie hul advertensies op die Webtuiste aangebring het teen die sperdatum van 25 Julie 2005 nie. Dit beteken dus dat die vakaturelys nou 'n week later vir voornemende aansoekers (opvoeders en studente) beskikbaar is. Die WKOD het gevolglik, met die oog daarop om inrigtings ‘n addisionele geleentheid te bied om hulle vakatures te adverteer, besluit om die uitreiking van Vakaturelys 2/2005 met ‘n week uit te stel tot 5 Augustus 2005. Let egter daarop dat, hoewel die uitreiking van hierdie vakaturelys met ‘n week uitgestel is, die sperdatums, behalwe vir die indiening van aansoeke met betrekking tot die res van die rooster, veral die indiening van benoemings onveranderd gebly het.
|
| 3. |
Hierdie uitstel van die publikasiedatum van die Vakaturelys met 'n week, het die betrokke afdeling verantwoordelik vir die druk van die Vakaturelys onder groot druk geplaas. Daar word vertrou dat skole se samewerking in die toekoms sal verbeter sodat daar by die beplande tydskedule gehou sal kan word.
|
| 4. |
Bring asseblief hierdie minuut onder die aandag van alle opvoeders verbonde aan u inrigting, kantoor of direktoraat. Prinsipale moet ook seker maak dat ‘n afskrif van hierdie minuut aan die voorsitter van die skoolbeheerliggaam oorhandig word vir daardie liggaam se kennisname en aandag.
|
GETEKEN: C.J. FOURIE
HOOF: ONDERWYS
DATUM: 2005:08:18
|