1. Die Hoofdirektoraat: Menslike Hulpbronbestuur van die Wes-Kaap Onderwysdepartement (WKOD) het tydens die inlingtingsessies gedurende die tweede kwartaal 2005 aan prinsipale aangedui dat pogings aangewend word om die konsep-vakaturelys op ‘n webbladsy aan prinsipale beskikbaar te stel – met die doel om die. samestelling van die vakaturelys vaartbelyn te maak en te verseker dat alle vakatures, geadverteer word.
2. Prinsipale en beheerliggame sal bly wees om te verneem dat die vakaturelys nou op ‘n webbladsy verskyn en van prinsipale word nou verwag om die besonderhede in die advertensies teenoor die name van hulle skole in te vul
3. Die vakatures wat in die konsep-vakaturelys verskyn, is alle vakante poste soos op die onderskeie skole se diensstate in die Persal-stelsel gereflekteer. Poste wat reeds geadverteer is en in die proses van vulling is, is ook in diè konsep-vakaturelys ingesluit.
4. Waar poste reeds geadverteer en in die proses is om gevul te word, moet prinsipale nie sodanige advertensies uitvee of onvoltooid laat nie. Skoolhoofde word vriendelik versoek om die vorige vakaturelysnommer en advertensienommer in die gepaste blokke in te vul. Hierdie poste sal dan nie in die nuwe Vakaturelys No. 2 van 2005 geadverteer word nie.
5. Alle ander advertensies moet toepaslik deur die prinsipaal voltooi word, wat moet verseker dat alle posspesifikasies (posbeskrywings, verwante pligte en aanbevelings) in die kolomme wat verskaf is, verskyn. Hierdie advertensies sal in die nuwe Vakaturelys No. 2 van 2005 verskyn.
6. Advertensies vir poste wat as gevolg van uittrede met pension, bedankings, ens. later in 2005 vakant sal raak, kan ook bygevoeg word. Dit het net betrekking op poste wat voor 31 Desember 2005 vakant sal raak.
7. Toegang tot die databasisfasiliteit (webbladsy) kan verkry word deur in te log op die WKOD-webtuiste op die volgende wyse:

  • Gaan na die WKOD-webtuiste by http://wced.wcape.gov.za

  • Gaan na At your service.

  • Kliek op Administrators.

  • Kliek op Draft Vacancy List.

  • ‘n Log-in skerm verskyn.

  • Tik in gebruikerskode (Obidno.).

  • Tik in wagwoord (PIN).

  • Kliek op Login.

  • Die Personeelbestuurskieslys sal verskyn.

  • Kliek op Draft Vacancy List.

Dit sal ‘n nuwe blaaierskerm oopmaak waar u poste by u inrigting wat geadverteer is, kan sien en redigeer.
8. Die WKOD het reeds in Minuut No. DPE/0008/2004 die onderneming gegee om Vakaturelys No. 2 van 2005 teen 29 Julie 2005 uit te reik. Die WKOD wil hierdie onderneming ten alle koste gestand doen. Derhalwe word ‘n ernstige beroep op prinsipale en kringbestuurders gedoen om, ten spyte van die kort kennisgewing, die advertensies op die konsep-vakaturelys teen 25 Julie 2005 te voltooi sodat die vakaturelys wel teen 29 Julie 2005 uitgereik kan word. Die WKOD sal dan die proses kan voltooi soos aangedui in die rooster wat in Minuut No. DPE /0008/2004 van 13 Desember 2004 verskyn.
9. Die WKOD besef dat dit ‘n nougesette poging van alle belanghebbendes sal verg om ‘n sukses van hierdie uiters belangrike proses te maak. U stiptelike en noukeurige aandag aan hierdie saak sal hoog op prys gestel word.


GETEKEN: J.H. HURTER
HOOF: ONDERWYS
DATUM: 2005:07:18