Afrika sal op Woensdag, 25 Mei 2005,Afrika-dag vier om die dag te herdenk waarop die Organisasie vir Afrika-eenheid (OAE) 42 jaar gelede, op 25 Mei 1963, gestig is.

Leiers van die Afrika-kontinent het besluit om die OAE te stig ten einde aandag aan kernaangeleenthede van daardie era te skenk, insluitende dekolonialisasie, bevryding, gelykheid, geregtigheid en vooruitgang.

Verteenwoordigers van 32 regerings het die eerste OAE-handves onderteken. Nog 21 state het met die verloop van tyd aangesluit, met Suid-Afrika wat in 1994 die 53e lid geword het.

Teen 2005 het Afrika heelwat struikelblokke uit die weg geruim en begin om ‘n Afrika te bou wat aan alle Afrikane behoort. Hoewel die kontinent heelwat wat die vroeë uitdagings die hoof gebied het, het nuwe uitdagings die lig gesien wat aandag sal moet geniet ten einde te verseker dat die 21e Eeu ‘n Afrika-eeu word.

Afrika-regerings het, in samewerking met mekaar, op verkeie maniere aandag aan hierdie uitdagings gegee, insluitend met die stigting van die Afrika-unie (AU) in 1999, die stigting van NEPAD en ander kontinentale ontwikkelings.

Die Provinsiale Regering van die Wes-Kaap versprei spesiale muurkaarte aan skole as deel van ons viering van Afrika-dag. Ons nooi skole uit om hierdie dag toepaslik te gedenk deur na te dink oor wat ons saam kan doen om die 21e Eeu ‘n Afrika-eeu te maak en om Afrika-eenheid te bevorder.

GETEKEN: N.S. MITI
HOOF: ONDERWYS
DATUM: 2005:05:24