| 1. |
Dit het onder die aandag van die Wes-Kaap Onderwysdepartement (WKOD) gekom dat besoekende beamptes nie gehoor gee aan die parkeringsinstruksies soos vervat in Omsendbrief 0005/2002 van 12 Februarie 2002 nie. |
| 2. |
Die WKOD huur 12 parkeerplekke vir besoekers. Om te verseker dat besoekers altyd hierdie parkeerplekke, indien beskikbaar, gebruik en om onnodige uitgawes te voorkom, is die volgende maatreëls van toepassing: |
| 2.1 |
Aansoeke om parkering moet voor die beoogde besoek skriftelik by mnr H.J. Fisher ingedien word. Die aangehegte aansoekvorm moet deur die besoeker of die beampte wat besoek word, ingevul en gefaks word na (021) 467 2996 of per hand by kamer 608 ingedien word. (Telefoonbesprekings sal slegs in noodgevalle aanvaar word.) |
| 2.2 |
Aansoekers sal per telefoon in kennis gestel word of hulle aansoeke goedgekeur is en, indien wel, van die nommer van die parkeerplek. |
| 2.3 |
In die parkeergarage moet die besoeker die parkeertoegangskaartjie neem en na die aangewese parkeerplek gaan. |
| 2.4 |
In die loop van die besoek moet die beampte of iemand wat dit namens hom of haar doen, 'n magtigingskyfie by Kamer 608 afhaal. |
| 2.5 |
By vertrek, moet die besoekende beampte die regterkantste uitgangsbaan gebruik en die parkeertoegangskaartjie en die magtigingskyfie aan die valhekbediener oorhandig. |
| 3. |
Besoekers wat nie bogenoemde prosedure volg nie, mag nie besoekersparkeerplekke gebruik nie en sal die normale parkeertariewe moet betaal. |
| 4. |
Beamptes wat kontrakte vir die aflewering van items reël of bestellings vir goedere plaas, moet duidelik aandui dat parkeergeld deur die kontrakteur, maatskappy of verskaffer betaal sal moet word . |
| 5. |
U samewerking sal waardeer word. |
GETEKEN: W.L. CARELSE
HOOF: ONDERWYS
DATUM: 2005:04:01
|