| 1. |
Uitgewers van handboeke wil graag titels so gou as moontlik nadat bestellings geplaas is, aan skole voorsien. Aangesien hulle egter tans probleme met die druk en beskikbaarheid van titels ondervind, het hulle versoek dat 'n aanduiding aan hulle gegee word van die globale hoeveelhede van die onderskeie titels wat skole sal aanvaar. |
| 2. |
In die lig van die bogemelde sal dit waardeer word indien skole die aangehegte bylae elektronies sal voltooi en saam met die WKOD 032-vorms teen nie later nie as 25 April 2005 aan die volgende e-posadres sal stuur: wced-032@pgwc.gov.za. Skole wat nie e-pos-fasiliteite het nie, kan die voltooide bylaes en die WKOD 032-vorms stuur aan
Hoof: Onderwys
Aandag mnr C Prins, Kamer 6-08
Wes-Kaap Onderwysdepartement
Privaatsak X9114
Kaapstad
8000 |
| 3. |
Alhoewel artikel 21-skole self hulle LOOM aankoop, en die WKOD nie direk by die aankoopproses betrokke is nie, sal dit waardeer word indien hulle ook die vorm kan voltooi sodat uitgewers ook van hulle behoeftes bewus kan wees. |
| 4. |
Alle prinsipale word dus versoek om te verseker dat die bylaes vir hand- en leesboeke en skryfbehoeftes vir leerders en opvoeders voltooi en teruggestuur word. Die skryfbehoeftes waarna daar verwys word, sluit nie skoonmaakmiddels, beskermende oorklere vir personeel, vakmateriaal, ens., soos onder plaaslike aankope in paragraaf 6 van Bylae A tot Omsendbrief 0062/2004 van 15 November 2004 uiteengesit is, in nie. |
GETEKEN: L.J. ELY
HOOF: ONDERWYS
DATUM: 2005:02:28
|