1. Ten spyte van die versoek in Logistiekediensteminuut 0026/2004 van 16 November 2004 dat rekwisisies teen nie later nie as 29 November 2004 ingedien moet word, word hulle steeds in hierdie laat stadium ontvang.
2. Die Direktoraat: Logistieke Dienste is nie van voorneme om aan verantwoordelikheidsbestuurders voor te skryf wanneer hulle goedere en/of dienste moet aanvra nie. Daar moet egter besef word dat die aankoop en betaling van goedere en/of dienste tydrowende prosesse is. In die lig van die feit dat 24 Maart 2005 die aanbevole keerdatum is vir die notering en goedkeuring van fakture vir betaling, sal dit nie moontlik wees om laat versoeke vir goedere en/of dienste betyds te prosesseer nie. Dit beteken dat die uitgawes hieraan verbonde beslis teen die volgende begroting (2005/06) gedebiteer sal moet word. Ons sal egter steeds probeer om voor die einde van die finansiële jaar daardie rekwisisies wat reeds ontvang is, te prosesseer en betaling te bewerkstellig.
3. Daar moet asseblief begryp word dat vanaf die datum van hierdie minuut dit nie meer vir ons moontlik sal wees om enige verdere rekwisisies te aanvaar nie. Verantwoordelikheidsbestuurders wat sodanige rekwisisies indien, sal moet aanvaar dat die bestellings gekanselleer of die uitgawe teen die nuwe begroting gedebiteer sal moet word. Dit staan verantwoordelikheidsbestuurders vry om met mnr Royston Africa by telefoon (021) 467 2819 in verbinding te tree indien hulle wil vasstel/reël watter bestellings gekanselleer en/of weer later ingedien moet word.
4. Bring asseblief die inhoud van hierdie minuut onder die aandag van alle belanghebbendes.
5. U samewerking in hierdie verband sal waardeer word.


GETEKEN: L.J. ELY
HOOF: ONDERWYS
DATUM: 2005:02:02