1. In die lig van die hoë koste verbonde aan die versending van ‘n toenemende volume pos deur die Hoofkantoor, het hierdie direktoraat in ‘n brief gedateer 17 November 1998 die volgende besparingsmaatreëls, wat steeds van krag is, aan alle hoofdirekteure en direkteure bekend gemaak:
1.1 Gewone pos sal slegs Donderdae deur Registrasie versend word.
1.2 Papiergebaseerde omsendbriewe sal elke derde Donderdag aan skole versend word, tensy daar op direkteursvlak gesertifiseer word dat dit ‘n sperdatum bevat en gevolglik buite versendingstyd gepos moet word. Indien ‘n omsendbrief buite versendingstyd gepos word, sal die betrokke direktoraat verantwoordelik gehou word vir die betaling van die posgeld.
1.3 Omsendbriewe sal in elektroniese formaat aan alle skole wat oor e-posfasiliteite beskik, versend word. Indien hierdie omsendbriewe egter aanhangsels het wat nie per e-pos versend kan word nie, sal dit hanteer word soos uiteengesit in paragraaf 1.2 hierbo.
2. Die posdatums vir omsendbriewe vir die jaar 2006 is as volg: 
12 Januarie 2006      13 Julie 2006
02 Februarie 2006     03 Augustus 2006
23 Februarie 2006     24 Augustus 2006
16 Maart 2006         14 September 2006
06 April 2006         05 Oktober 2006
28 April 2006         26 Oktober 2006
18 Mei 2006           16 November 2006
15 Junie 2006         30 November 2006
3. Enige navrae in verband met die inhoud van hierdie minuut kan gerig word aan:
4. Dit sal waardeer word indien u die voorgaande inligting onder alle personeel se aandag sal bring.


GETEKEN: JT SOLOMONS
HOOF: ONDERWYS
DATUM: 2005:12:19