| 1. |
Paragraaf 9 van Omsendminuut LS 0008/2001 van 17 Julie 2001 het betrekking.
|
| 2. |
Die huidige statistiekverslae ten opsigte van onopgeloste gevalle sedert die implementering van die GBS dui daarop dat sommige opgeleide gebruikers nie die stelsel behoorlik gebruik nie. Die bywerk van inligting, die vordering wat met spesifieke gevalle gemaak is en die datum waarop die saak opgelos is, word byvoorbeeld nie op die stelsel aangeteken nie.
|
| 3. |
Die onderstaande statistiek dui die aantal onopgeloste gevalle op die GBS aan vir die tydperk 1 September 1999 tot 15 Mei 2005.
| Onopgeloste Gevalle | % Onopgeloste Gevalle |
| 16 752 | 32.59 |
|
| 4. |
In die lig van die bogemelde word ‘n dringende beroep op gebruikers gedoen om gereeld gevalle op die GBS by te werk en die datum waarop dit afgehandel is aan te teken. Versuim om dit te doen gee aanleiding tot minder effektiewe administrasie van gevalle.
|
| 5. |
Maak asseblief seker dat alle gebruikers ingelig is en dat die verslae oor onopgeloste gevalle per direktoraat gereeld nagegaan word.
|
| 6. |
Enige verdere navrae oor die inhoud van hierdie minuut kan gerig word aan
me ME Erasmus - 021 467 2765
me C Currie - 021 467 2756
|
| 7. |
U samewerking word waardeer. |
GETEKEN: W.L. CARELSE
HOOF: ONDERWYS
DATUM: 2005:06:10
|