1. Die Wes-Kaap Onderwysdepartement (WKOD) is via die Departement van die Premier in kennis gestel dat Cosatu ‘n oproep op sy bondgenote en lede gedoen het om sy “Werk en Armoede”-veldtog te ondersteun deur deel te neem aan ‘n daglange wegblyaksie.
2. Die protesaksie deur Cosatu word vir Maandag, 3 Oktober 2005 in die Wes-Kaap beplan.
3. Ten einde voor te berei vir ‘n moontlike wegblyaksie op bogenoemde datum, moet bestuurders en hoofde van inrigtings prosesse instel om die volgehoue funksionering van die direktorate en inrigtings te verseker. Let asseblief daarop dat waar bestuurders of hoofde van inrigtings beoog om self aan die wegblyaksie deel te neem, dit die plig van die betrokke toesighouer of kringbestuurder is om seker te maak dat hierdie prosesse ingestel is.
4. U aandag word gevestig op Arbeidsverhoudingeminuut 001 en 002 van 2004, wat ‘n duidelike aanduiding gee van die korrekte prosedures wat gevolg moet word.
5. Die volgende punte word egter onder u aandag gebring:

    • Die “Geen werk: Geen betaling”-beginsel sal van toepassing wees.

    • Geen verlof mag toegestaan word aan werknemers vir die doeleindes van die wegblyaksie nie.
    • Daar moet akkurate rekord gehou word van alle werknemers wat deelneem aan die wegblyaksie en wat afwesig is by hul werkplek.
6. In die lig van bogenoemde sal dit waardeer word indien alle bestuurders en hoofde van inrigtings die aangehegte bylae sal voltooi en via die OBOS (vir alle inrigtings) so gou as moontlik maar nie later nie as 5 Oktober 2005 by die Direktoraat: Arbeidsverhoudinge sal indien vir aandag: CR Esau, faksnommer 425 8612 of e-pos cesau@pgwc.gov.za, as soon as possible but not later than Wednesday, 5 October 2005. Let asseblief daarop dat die bylae ingevul moet wees, selfs indien niemand in die direktoraat aan die wegblyaksie deelgeneem het nie, omdat die inligting deur die Departement van die Premier en Staatsdiens en Administrasie benodig word.
7. Neem kennis dat die unies wat binne die onderwys by Cosatu geaffilieer is, die volgende is:

    • Sadtu

    • Nehawu
    • Pawusa en
    • Denosa
8. Navrae
8.1 Amptenare van die Direktoraat: Arbeidsverhoudinge sal aan diens wees om die nodige advies en/of hulp gedurende die tydperk te bied.
8.2 Die volgende amptenare kan geskakel word: 
R Jansen    -   (021) 467 2863  -  rjansen@pgwc.gov.za
K Petersen  -   (021) 467 2865  -  kpetersen@pgwc.gov.za
F Brand     -   (021) 467 2399  -  fbrand@pgwc.gov.za
H Mzaca     -   (021) 467 9233  -  hmzaca@pgwc.gov.za
A Jacobs    -   (021) 467 2416  -  ajacobs@pgwc.gov.za
M Knoetze   -   (021) 467 2372  -  mknoetze@pgwc.gov.za
9. Bring asseblief die inhoud van hierdie minuut onder die aandag van alle toesighouers en rolspelers.


GETEKEN: W WANDRAG
HOOF: ONDERWYS
DATUM: 2005:09:27

Bylae  (grootte: 18 KB)