|
Aangeheg is ‘n kopie van Witskrif Nr. 7 oor e-Onderwys - Transformeer Leer en Onderrig deur middel van Inligting-en-kommunikasietegnologie (IKT). Die doel van die beleid is om alle skole in die land te omskep in e-skole, d.w.s. skole wat gebruik maak van IKT om onderrig en leer te bevorder, vir beplanning en om hulself te bestuur en te administreer; en wat IKT-bronne gebruik om kurrikulum-aflewering te ondersteun. Die nasionale en provinsiale Departemente van Onderwys het ‘n gedetailleerde implementerings- plan ontwikkel of is tans besig met die ontwikkeling daarvan. Hierdie implementeringsplan sal aan skole beskikbaar gestel word sodra alles gefinaliseer is. Die Khanya Tegnologie-in-onderwysprojek wat tans in die Wes-Kaap geïmplementeer word, vorm deel van die WKOD se implementeringsplan. Die implementeringsproses maak ook voorsiening vir die instelling van ‘n aanvangslynstudie en vir die gereelde monitering van skole om hulle vordering na ‘n e-skoolstatus te bepaal. Sodra die aanvangslyn- en moniteringsinstrumente gefinaliseer is, sal hulle aan alle skole gestuur word. U word versoek om die aangehegte beleid te bestudeer om die impak wat die implementering van hierdie beleid op u skool sal hê, te bepaal. GETEKEN: MJ CHILES |