1. Biblioteke is die sleutel tot die globale netwerk wat aan ons toegang tot inligting verleen. Dit is dus noodsaaklik dat ons skoolbiblioteke werklik bronnesentrums vir leer word en dat die waarde van skoolbiblioteke wyd erken word.
2. In 1999 het die Internasionale Vereniging van Skoolbiblioteekwese (IASL) die vierde Maandag in Oktober tot jaarlikse Internasionale Skolebiblioteekdag (ISBD) verklaar. Sedertdien word hierdie dag in baie lande op verskillende maniere gevier. Vanjaar word ISBD op 24 Oktober gevier en hierdie jaar is die tema “Beleef die Avontuur”.
3. Hierdie dag moet beskou word as ‘n erkenning van die rol en belangrikheid van biblioteke in lewenslange leer, d.w.s. die voorsiening van noodsaaklike leer- en onderrigondersteuningsmateriaal vir geletterheid en kurrikulums dwarsdeur die skoolstelsel. Internasionale navorsing het getoon dat leerders beter presteer indien hulle toegang het tot ‘n skoolbiblioteek met ‘n wye versameling en doeltreffende opvoedkundige programme. Daarbenewens word leerders beter lesers wanneer hulle toegang tot ‘n skoolbiblioteek en leesboeke het.
4. Ooreenkomstig die WKOD se Vyfjaar- Strategiese en Prestasieplan (2005/6 tot 2009/10) vermeld die beleidsverklarings onder andere dat die WKOD beplan om “bronnesentrums en biblioteke by elke skool te ontwikkel ten einde ‘n wye reeks ondersteuningsmateriaal aan leerders en onderwysers beskikbaar te stel en effektief te bestuur”.
5. Enkele redes waarom ons ISBD moet vier:

  • Om skoolbiblioteke en skoolbibliotekarisse van dwarsoor die wêreld te verenig ter erkenning van die belangrike bydrae van biblioteke tot nasionale ontwikkeling

  • Om die belangrike rol te beklemtoon wat die skoolbiblioteek speel in die kind se opvoeding, vanaf die voorskoolse tydperk tot op VOO-vlak

  • Om idees, inisiatiewe en vernuwings te deel sodat almal wat by skoolbiblioteke betrokke is van mekaar kan leer

  • Om die bydrae te erken wat bibliotekarisse aan kollegas en gemeenskappe lewer
6. Die aangehegte Bylae A bevat voorstelle oor enkele wyses waarop WKOD-skole Internasionale Skolebiblioteekdag op 24 Oktober 2005 kan vier.


GETEKEN: MJ CHILES
HOOF: ONDERWYS
DATUM: 2005:09:30

Bylae A  (grootte: 20 KB)