1. Bronnemateriaal vir die skoolbiblioteek of die bronnesentrum (oudioboeke en video’s ingesluit) wat onlangs deur die EDULIS-evalueerders: Kurrrikulumbronne geëvalueer is en aanbeveel is vir skoolbiblioteek- of bronnesentrumaankope, sal soos volg uitgestal word: 
Plek:      EDULIS-seminaarkamer, Kruskallaan 15, Bellville
Datum:     19 September – 07 Oktober 2005 (d.w.s. 15 weeksdae)
Besoektyd: Maandag tot Vrydag, 10:30 tot 16:00
2. Die naslaanwerke en inligtingsbronne wat uitgestal word, verteenwoordig 'n wye reeks leerareas. 'n Groot verskeidenheid prenteboeke en tienerfiksie sal ook uitgestal word.
3. Die EDULIS-evalueerders: Kurrikulumbronne sal teenwoordig wees om vrae te beantwoord oor bogenoemde bronne, wat deur skole uit hulle jaarlikse Norme-en-standaardetoekenning of uit skoolfondse aangekoop moet word.
4. Afrikaans-, Engels- en Xhosa-fiksie sal op twee namiddae, 5 en 6 Oktober 2005, tussen 15:00 en 16:30 bespreek word.
5. Ons sal dit baie waardeer indien die twee aangehegte kennisgewings op 'n prominente plek vertoon sal word en indien veral opvoeders wat verantwoordelik is vir biblioteke of bronnesentrums van hierdie uitstalling en die besprekings van fiksie bewus gemaak sal word.


GETEKEN: M.J. CHILES
HOOF: ONDERWYS
DATUM: 2005:09:06

Kennisgewing 1  (grootte: 10 KB)
Kennisgewing 2  (grootte: 15 KB)