1. Die Departement van Kuns en Kultuur het, in samewerking met LIASA (Biblioteek- en-inligtingsvereniging van Suid-Afrika) die week van 14 tot 18 Maart 2005 tot Suid-Afrikaanse Biblioteekweek verklaar. Gedurende hierdie week sal Suid-Afrika biblioteek- en inligtingsdienste deur gebruikmaking van die tema Biblioteke: maak die deure van leer en kultuur vir almal oop, vier en bevorder. Die tema is afgelei uit pres. Thabo Mbeki se openingsrede vroeg in 2004 toe hy versoek het dat onderrig en kultuur vir almal toeganklik moet wees, en verwys ook na die Vryheidsmanifes (Freedom Charter) wat 50 jaar gelede uitgereik is.
2. In die lig van die toenemende onmisbare rol wat leer- en onderrigondersteuningsmateriaal (LOOM) in uitkomsgebaseerde onderwys speel, moet opvoeders bewus wees van die beskikbaarheid van biblioteekbronne vir hierdie doel. As deel van die viering van Suid-Afrikaanse Biblioteekweek en die bevordering van die WKOD se biblioteek- en inligtingsdienste, word u en u personeel uitgenooi om 'n besoek aan EDULIS Biblioteek of spesifieke OBOS-bronnesentrums te reël vir oriëntering, en inligting rakende hierdie dienste en die beskikbare gespesialiseerde biblioteekbronne. Groepbesoeke hoef nie beperk te word tot die tydperk van 14 tot 18 Maart nie, maar kan gereël word om u te pas.
3. Die EDULIS Biblioteek se Sentrale Versameling in Bellville en die OBOS Bronnesentrumversamelings in Mitchells Plain, Paarl, George en Worcester het die volgende LOOM beskikbaar vir persoonlike lenings deur opvoeders, of bloklenings deur skole:

  • Inspirerende aktiwiteitsgebaseerde idees vir lesplanne (baie waarvan gefotokopieer kan word)

  • Kurrikulumondersteuningsmateriaal

  • ‘n Groot versameling onlangs gepubliseerde boeke oor bestuur en leierskap

  • Materiaal wat onderwysnavorsing en beleidsontwikkeling steun en stof tot nadenke daaroor bied

  • Materiaal wat aktuele kritiese sake, bv. inklusiwiteit, dissipline en gedragsprobleme, differensiasie en HIV/VIGS, dek

  • Leerdergerigte materiaal wat spesiaal geëvalueer en geresenseer is ter ondersteuning van opvoeders wat materiaal vir skoolbiblioteke moet keur

  • Video’s en multimedia oor ‘n wye reeks onderwerpe om klaskameronderrig en leer te ondersteun en verryk
4. Daar kan in bogenoemde verband met die volgende persone in verbinding getree word: 
Susan Hanekom      EDULIS Biblioteek, Bellville 021 957 9617
Ntombi Mngxuma     OBOS Metropool Suid Brian O’Connell 
                   Bronnesentrum, Mitchells Plain 021 370 2084
Ina Heiberg        OBOS Weskus/Wynland Bronnesentrum, 
                   Paarl 021 860 1229
Sam Webber         OBOS Suid-Kaap/Karoo Bronnesentrum, 
                   George 044 803 8328
Ingrid Murray      OBOS Breederivier/Overberg Bronnesentrum, 
                   Worcester 023 348 4657


GETEKEN: M.J. CHILES
HOOF: ONDERWYS
DATUM: 2005:03:02